പേരിയയില്‍ ബൈക്കപകടം: യുവാവ് മരിച്ചു

പേരിയ: മാനന്തവാടി തലശ്ശേരി റൂട്ടില്‍ പേരിയയില്‍ ബൈക്ക് അപകടം. അപകടത്തില്‍ ബൈക്ക് യാത്രികന്‍ മരിച്ചു. ബൈക്ക് ഓടിച്ചിരുന്ന മുഴിപ്പിലങ്ങാടി സ്വദേശി മുഹ്‌സിറാണ് മരിച്ചത്. 24 വയസ്സായിരുന്നു.

ബൈക്ക് എതിരേ വരികയായിരുന്ന ചരക്ക് ലോറിയുമായി കൂട്ടിയിടിക്കുകയായിരുന്നു. ബൈക്ക് ലോറിയില്‍ കുരുങ്ങി കുറച്ചുനേരം മുന്നോട്ട് പോയതാണ് മുഹ്‌സിന്റെ പരിക്ക് ഗുരുതരമാക്കിയത്.

മുഹ്‌സിനെ ആദ്യം ജില്ലാ ആശുപത്രിയിലും പിന്നീട് സ്വകാര്യ ആശുപത്രിയിലും പ്രവേശിപ്പിച്ചു. അവിടെനിന്ന് മറ്റൊരു ആശുപത്രിയിലേക്ക് മാറ്റുന്നതിനിടയിലാണ് മരിച്ചത്.