സെപ്റ്റിക് ടാങ്കിലിറങ്ങിയ സഹോദരങ്ങളായ അന്തര്‍ സംസ്ഥാന തൊഴിലാളികള്‍ മരിച്ചു

തൃശൂര്‍: തൃശൂരിലെ തിരൂരില്‍ സെപ്റ്റിക് ടാങ്കിലിറങ്ങിയ സഹോദരങ്ങളായ പഞ്ചിമ ബംഗാള്‍ സ്വദേശികളായ തൊഴിലാളികള്‍ മരിച്ചു. ബംഗാളിലെ ബര്‍ധമാന്‍ ജില്ലയിയില്‍ നിന്നുള്ള അലാമ ഷേക്ക്, ഷേക്ക് അഷ്‌റാവുല്‍ ആലം എന്നിവരാണ് മരിച്ചത്. ഇരുവരും സഹോദരങ്ങളാണ്. നഷ്ടപ്പെട്ട പണമെടുക്കാന്‍ സെപ്റ്റിക് ടാങ്കിലിറങ്ങിയതായിരുന്നു ഇരുവരും. ഫയര്‍ഫോഴ്‌സ് എത്തി മൃതദേഹങ്ങള്‍ തൃശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റി.