കാലാവസ്ഥാവ്യതിയാനവും പരിസ്ഥിതി പ്രശ്‌നങ്ങളും- സെമിനാര്‍ സംഘടിപ്പിച്ചു

മാള: കാലാവസ്ഥാ വ്യതിയാനവും പരിസ്ഥിതി പ്രശ്‌നങ്ങളും എന്ന വിഷയത്തില്‍ വള്ളിവട്ടം യൂനിവേഴ്‌സല്‍ എഞ്ചിനീയറിംഗ് കൊളേജ് എന്‍കോണ്‍ ക്ലബിന്റെ സഹകരണത്തോടെ വെള്ളാങ്കല്ലൂര്‍ ബുസ്താനിയ്യ ബോര്‍ഡിംഗ് ഹോമില്‍ സെമിനാര്‍ സംഘടിപ്പിച്ചു.

കോളേജ് പ്രിന്‍സിപ്പാള്‍ ഡോ ജോസ് കെ ജേക്കബ് ഉദ്ഘാടനം ചെയ്തു. പി എം അബ്ദുല്‍ ഷുക്കൂര്‍ അധ്യക്ഷത വഹിച്ചു. ബുസ്താനിയ്യ ജനറല്‍ സെക്രട്ടറി പി കെ എം അഷ്‌റഫ് ആമുഖ പ്രഭാഷണം നടത്തി.

എന്‍കോണ്‍ ക്ലബ് കൊ ഓഡിനേറ്റര്‍ കെ കെ അബ്ദു റസാഖ് വിഷയാവതരണം നടത്തി. ദേശീയ അധ്യാപക അവാര്‍ഡ് ജേതാവ് പി എ സീതി മാസ്റ്റര്‍, ഷഫീര്‍ കാരുമാത്ര, കെ എ മുഹമ്മദ് കുഞ്ഞി, പുളിക്കല്‍ കുഞ്ഞുമോന്‍, ശ്രീനിവാസന്‍, എം ആര്‍ മേഘ, പി കെ അബ്ദു ഹാജി, എ എ യൂനസ്, എ എ സന്തോഷ് തുടങ്ങിയവര്‍ സംസാരിച്ചു.