വയനാട് ജില്ലയില്‍ 310 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 13.90 ശതമാനം

വയനാട്: ജില്ലയില്‍ ഇന്ന് (30.10.21) 310 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍. രേണുക അറിയിച്ചു. 190 പേര്‍ രോഗമുക്തി നേടി. 3 ആരോഗ്യ പ്രവര്‍ത്തകര്‍ ഉള്‍പ്പെടെ 308 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി നിരക്ക് 13.90 ശതമാനമാണ്. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 1,25,462 ആയി. 1,21,902 പേര്‍ ഇതുവരെ രോഗമുക്തരായി. നിലവില്‍ 2,706 പേരാണ് ജില്ലയില്‍ ചികിത്സയിലുള്ളത്. ഇവരില്‍ 2,561 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

പുല്‍പ്പള്ളി 34 , മാനന്തവാടി 33 , ബത്തേരി 28 , പൂതാടി 22 , കല്‍പ്പറ്റ 20 , കണിയാമ്പറ്റ , പനമരം 18 വീതം , കോട്ടത്തറ 17 , മുട്ടില്‍ 13 , പടിഞ്ഞാറത്തറ , തവിഞ്ഞാല്‍ 12 വീതം , മീനങ്ങാടി , മുള്ളന്‍കൊല്ലി 10 വീതം , നെന്മേനി 9 , തിരുനെല്ലി 8 , അമ്പലവയല്‍ , എടവക , മേപ്പാടി , വൈത്തിരി 7 വീതം , നൂല്‍പ്പുഴ 5 , പൊഴുതന , തരിയോട് , തൊണ്ടര്‍നാട് , വെള്ളമുണ്ട , വെങ്ങപ്പള്ളി 2 വീതം , മൂപ്പൈനാട് ഒരാള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ ബാംഗ്ലൂരില്‍ നിന്നും വന്ന പടിഞ്ഞാറത്തറ സ്വദേശിക്കും , ഡെല്‍ഹിയില്‍ നിന്ന് വന്ന നെന്മേനി സ്വദേശിക്കും രോഗം സ്ഥിരീകരിച്ചു.

190 പേര്‍ക്ക് ഇന്ന് രോഗമുക്തി

ആശുപത്രിയില്‍ ചികിത്സയിലായിലായിരുന്ന 20 പേരും വീടുകളില്‍ നിരീക്ഷണത്തിലായിരുന്ന 170 പേരുമാണ് രോഗം ഭേദമായി ഡിസ്ചാര്‍ജ് ആയത്.

598 പേര്‍ പുതുതായി നിരീക്ഷണത്തില്‍

കൊവിഡുമായി ബന്ധപ്പെട്ട് ജില്ലയില്‍ ഇന്ന് (30.10.21) പുതുതായി നിരീക്ഷണത്തിലായത് 598 പേരാണ്. 280 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 7,900 പേര്‍. ഇന്ന് പുതുതായി 20 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 1,596 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 831835 സാംപിളുകളാണ് പരിശോധനയ്ക്ക് അയച്ചത്. ഇതില്‍ 8,30,967 എണ്ണത്തിന്റെ ഫലം ലഭിച്ചു. 7,05,505 പേര്‍ നെഗറ്റീവും 1,25,462 പേര്‍ പോസിറ്റീവുമാണ്.