വയനാട്ടില്‍ കൊവിഡ് ബാധിച്ച വീട്ടമ്മ മരിച്ചു

കല്‍പറ്റ ; വയനാട്ടില്‍ വീണ്ടും കൊവിഡ് മരണം. കാട്ടികുളം കോട്ടയില്‍ ത്രേസ്യാമ്മ (51) ആണ് മരിച്ചത്.അര്‍ബുദവും മറ്റ് അസുഖങ്ങളും ഉണ്ടായിരുന്നു. വയനാട്ടില്‍ പന്ത്രണ്ടാമത്തെ കോവിഡ് മരണം ആണിത് . ബത്തേരി മൂലങ്കാവ് സ്വദേശി 46 വയസ്സുള്ള ബാങ്ക് ജീവനക്കാരന്‍ കഴിഞ്ഞദിവസം മരിച്ചതും കോവിഡ് ബാധിച്ചാണ് .

കഴിഞ്ഞ 10നാണ് ത്രേസ്യാമ്മയെ കൊവിഡ് സ്ഥിരീകരിച്ചതിനെ തുടര്‍ന്ന് മാനന്തവാടി ജില്ലാ ആശുപത്രിയില്‍ പ്രവേശിപ്പിച്ചത് . നിലമ്പൂരില്‍ സ്ഥിരതാമസമാക്കിയ ഇവര്‍ അര്‍ബുദത്തിന് കോഴിക്കോട് മെഡിക്കല്‍ കോളേജില്‍ ചികിത്സയ്ക്ക് പോയതിനെ തുടര്‍ന്നാണ് കൊവിഡ് ബാധിച്ചത്. ത്രേസ്യാമ്മയുടെ കുടുംബവീട് ആണ് കാട്ടിക്കുളത്ത്. ഭര്‍ത്താവ്: ജെയിംസ്. മക്കളില്ല.