വയനാട് ജില്ലയില്‍ 423 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 15.10 ശതമാനം

വയനാട്: വയനാട് ജില്ലയില്‍ ഇന്ന് 423 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍.രേണുക അറിയിച്ചു. 680 പേര്‍ രോഗമുക്തി നേടി. ടെസ്റ്റ് പോസിറ്റിവിറ്റി നിരക്ക് 15.10 ശതമാനമാണ്. 5 ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു. 419 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ എണ്ണം 96,571 ആയി. 87,330 പേര്‍ ഇതുവരെ രോഗമുക്തരായി. നിലവില്‍ 8,438 പേരാണ് ജില്ലയില്‍ ചികിത്സയിലുള്ളത്. ഇവരില്‍ 6,977 പേര്‍ വീടുകളിലാണ് ഐസൊലേഷനില്‍ കഴിയുന്നത്.

രോഗം സ്ഥിരീകരിച്ചവര്‍

ബത്തേരി 44, കല്‍പ്പറ്റ 43, പൂതാടി 38, മാനന്തവാടി 37, മുട്ടില്‍ 33, പടിഞ്ഞാറത്തറ, തവിഞ്ഞാല്‍ 22 വീതം, പനമരം 20, നെന്‍മേനി 19, അമ്പലവയല്‍, പൊഴുതന 18 വീതം, കണിയാമ്പറ്റ 16, മീനങ്ങാടി 14, വൈത്തിരി 12, കോട്ടത്തറ 10, നൂല്‍പ്പുഴ 9, എടവക, മുള്ളന്‍കൊല്ലി 8 വീതം, മേപ്പാടി, പുല്‍പള്ളി 6 വീതം, തരിയോട്, വെള്ളമുണ്ട 4 വീതം, തൊണ്ടര്‍നാട് 3, മൂപ്പൈനാട്, വെങ്ങപ്പള്ളി 2 വീതം, തിരുനെല്ലി ഒരാള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്. കൂടാതെ ഇതര സംസ്ഥാനത്തുനിന്നും വന്ന 4 തമിഴ്‌നാട് സ്വദേശികള്‍ക്കും രോഗബാധ സ്ഥിരീകരിച്ചു.

680 പേര്‍ക്ക് രോഗമുക്തി

ആശുപത്രിയില്‍ ചികിത്സയിലായിലായിരുന്ന 64 പേരും, വീടുകളില്‍ നിരീക്ഷണത്തിലായിരുന്ന 616 പേരുമാണ് രോഗമുക്തരായയത്.

1,950 പേര്‍ പുതുതായി നിരീക്ഷണത്തില്‍

കൊവിഡുമായി ബന്ധപ്പെട്ട് ജില്ലയില്‍ പുതുതായി നിരീക്ഷണത്തിലായത് 1,950 പേരാണ്. 1,385 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 20,567 പേര്‍. ഇന്ന് പുതുതായി 113 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് 1,534 സാംപിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 6,93,538 സാംപിളുകളാണ് പരിശോധനയ്ക്ക് അയച്ചത്. ഇതില്‍ 6,89,516 എണ്ണത്തിന്റെ ഫലം ലഭിച്ചു. 5,92,945 പേര്‍ നെഗറ്റീവും 96,571 പേര്‍ പോസിറ്റീവുമാണ്.