സിപിഎം എംപിമാര്‍ ലക്ഷദ്വീപ് സന്ദര്‍ശിക്കും

കോഴിക്കോട്: ലക്ഷദ്വീപിന്റെ പ്രത്യേക അവകാശങ്ങള്‍ ഇല്ലാതാക്കുന്ന കേന്ദ്രസര്‍ക്കാര്‍ നീക്കങ്ങള്‍ക്കെതിരെ സിപിഎം പ്രതിഷേധ പരിപാടികള്‍ ആസൂത്രണം ചെയ്തു. മെയ് 31 ന് കൊവിഡ് മാനദണ്ഡങ്ങള്‍ പാലിച്ച് ബേപ്പൂരിലേയും കൊച്ചിയിലേയും ലക്ഷദ്വീപ് ഓഫീസുകള്‍ക്ക് മുന്നില്‍ പാര്‍ടി നേതൃത്വത്തില്‍ പ്രതിഷേധം സംഘടിപ്പിക്കും. എം.പിമാരുടെ പ്രതിനിധി സംഘത്തെ ലക്ഷദ്വീപിലേക്ക് അയക്കാന്‍ തീരുമാനിച്ചതായും മെന്നും സിപിഎം ഫെയ്‌സ്ബുക്ക് കുറിപ്പില്‍ പറയുന്നു.

പാര്‍ട്ടി കേന്ദ്രകമ്മിറ്റിയംഗം എളമരം കരീം, വി ശിവദാസന്‍, എ എം ആരിഫ് എന്നിവര്‍ ലക്ഷദ്വീപ് സന്ദര്‍ശിച്ച് വിശദാംശങ്ങള്‍ നേരിട്ട് വിലയിരുത്തുമെന്നും സിപിഎം അറിയിച്ചു.