കണ്ണൂരില്‍ വാഹന പരിശോധന ശക്തമാക്കി എന്‍ഫോഴ്‌സ്‌മെന്റ് ആര്‍ടിഒ; ജൂണില്‍ പിടിച്ചത് 2474 കേസുകള്‍, 45 ലക്ഷത്തോളം രൂപ പിഴ ചുമത്തി
കണ്ണൂര്‍: കണ്ണൂര്‍ ജില്ലയില്‍ വാഹന പരിശോധന ശക്തമാക്കി എന്‍ഫോഴ്‌സ്‌മെന്റ് ആര്‍ടിഒ. കഴിഞ്ഞ ജൂണ്‍ മാസത്തില്‍ 2474 കേസുകളിലായി 45 ലക്ഷത്തോളം രൂപയാണ് പിഴ ചുമത്തിയത്. ഹെല്‍മെറ്റ് ധരിക്കാതെ ഇരു ചക്ര വാഹനം ഓടിച്ച 377 കേസുകളും ഇന്‍ഷുറന്‍സ് ഇല്ലാതെ വാഹനം ഓടിച്ചതിന് 117 കേസുകളും നികുതി അടക്കാത്ത 97 കേസുകളും ഫിറ്റ്‌നസ് ഇല്ലാത്ത 121 കേസുകളും കൂളിങ് ഫിലിം പതിപ്പിച്ച 498 കേസുകളും അതി സുരക്ഷാ നമ്പര്‍ പ്ലെയ്റ്റ് ഇളക്കി മാറ്റിയ 76 കേസുകളുമാണ് എടുത്തത്. കൂടാതെ 20 ഓളം കുട്ടി െ്രെഡവര്‍മാരുടെ രക്ഷിതാക്കള്‍ക്കെതിരെയും നടപടിയെടുത്തു. നേരത്തെ കണ്ണൂരിലായിരുന്നു എന്‍ഫോഴ്‌സ്മന്റ് ആര്‍ ടി ഒ പ്രവര്‍ത്തിച്ചുകൊണ്ടിരുന്നത്. ഇപ്പോള്‍ ഓഫീസ് മട്ടന്നൂരില്‍ പൂര്‍ണ തോതില്‍ പ്രവര്‍ത്തനം തുടങ്ങി.
ഇരിക്കൂര്‍ റോഡിലെ പഴയ ബി.എസ്.എന്‍എല്‍ മെക്രോവേവ് ടവര്‍ ബേസ് സ്‌റ്റേഷനിലാണ് ഓഫീസ് ആരംഭിച്ചത്. എന്‍ഫോഴ്‌സ്‌മെന്റ് ആര്‍.ടി.ഒ യുടെ ഓഫീസും ജില്ലയില്‍ വിവിധ ഭാഗങ്ങളില്‍ സ്ഥാപിച്ചിടുള്ള വിവിധ തരം ക്യാമറകളുടെ കണ്‍ട്രോള്‍ റൂമുമാണ് ഇവിടെ പ്രവര്‍ത്തിക്കുന്നത്. എന്‍ഫോഴ്‌സ്‌മെന്റ്
ആര്‍.ടി.ഒയുടെ കീഴില്‍ ഏഴു എം.വി.ഐമാരും 18 എ.എം.വി.ഐമാരും ഉള്‍പ്പെട്ട ആറു ടീമുകളാണ് ജില്ലയില്‍ പരിശോധന നടത്തുന്നത്.
ജില്ലയില്‍ അതി സുരക്ഷ രജിസ്‌ട്രേഷന്‍ നമ്പര്‍ പ്ലേറ്റ് വ്യാപകമായി ഇളക്കി മാറ്റി ഫാന്‍സി നമ്പര്‍ പ്ലേറ്റുകള്‍ ഘടിപ്പിക്കുന്ന പ്രവണത കണ്ടുവരുന്നുണ്ടെന്ന് ആര്‍ ടി ഒ എന്‍ഫോഴ്‌സ്‌മെന്റ്. ഇത്തരക്കാര്‍ക്കെതിരെ കര്‍ശന നടപടികള്‍ സ്വീകരിക്കാനാണ് മോട്ടോര്‍ വാഹന വകുപ്പിന്റെ തീരുമാനം. മതിയായ നമ്പര്‍ പ്ലേറ്റ് ഘടിപ്പിക്കാത്ത വാഹനം പിടിച്ചെടുക്കുന്നത് ഉള്‍പെടെ ഉള്ള നടപടി സ്വീകരിക്കുമെന്നും അധികൃതര്‍ വ്യക്തമാക്കി
വഖ്ഫ് ബില്ലിനെതിരെ മലപ്പുറത്ത് പ്രതിഷേധം സംഘടിപ്പിക്കും: മുസ്‌ലിം...
5 April 2025 3:43 PM GMTപാര്‍ട്ടി രൂപീകരണം സജീവ പരിഗണനയിലെന്ന് മാര്‍ റെമീജിയോസ് ഇഞ്ചനാനിയില്‍
5 April 2025 3:09 PM GMTഹിന്ദു പെണ്‍കുട്ടിയെ നോമ്പെടുപ്പിച്ച് ഇസ്‌ലാമില്‍ ചേര്‍ക്കാന്‍...
5 April 2025 3:03 PM GMT''വഖ്ഫ് ബില്ലിനെ പിന്തുണക്കാന്‍ ആവശ്യപ്പെട്ടത് അപരാധമായി ചിലര്‍...
5 April 2025 2:18 PM GMTഉത്തരാഖണ്ഡിലെ 15 സ്ഥലങ്ങളുടെ പേര് മാറ്റുമെന്ന് മുഖ്യമന്ത്രി; മിയാന്‍...
5 April 2025 2:09 PM GMTരണ്ട് ഉറുമ്പുകളെ ഉള്ളിലാക്കി മുറിവ് തുന്നിക്കെട്ടിയെന്ന്...
5 April 2025 1:41 PM GMT
