തൂണേരിയില്‍ വീണ്ടും തീവയ്പ്: ജീപ്പ് അഗ്‌നിക്കിരയാക്കി, അന്വേഷണം ഊര്‍ജ്ജിതമാക്കി പോലിസ്
പേരോട്ട് ആറാട്ട്കുളം റോഡില്‍ ചാത്തോത്തും മുകളില്‍ മൊയ്തുവിന്റെ വീട്ടുമുറ്റത്ത് നിര്‍ത്തിയിട്ട കെഎല്‍ 11 ഇ 3580 നമ്പര്‍ ടാക്‌സി ജീപ്പാണ് അഗ്‌നിക്കിരയായത്.
15 Jun 2020 5:17 AM GMT
നാദാപുരം: തൂണേരിയില്‍ വീട്ടുമുറ്റത്ത് നിര്‍ത്തിയിട്ട ജീപ്പ് അജ്ഞാതര്‍ തീവച്ച് നശിപ്പിച്ചു. പേരോട്ട് ആറാട്ട്കുളം റോഡില്‍ ചാത്തോത്തും മുകളില്‍ മൊയ്തുവിന്റെ വീട്ടുമുറ്റത്ത് നിര്‍ത്തിയിട്ട കെഎല്‍ 11 ഇ 3580 നമ്പര്‍ ടാക്‌സി ജീപ്പാണ് അഗ്‌നിക്കിരയായത്.
ജീപ്പ് പൂര്‍ണമായി കത്തി നശിച്ചു. കക്കട്ട് സ്വദേശി പറമ്പത്ത് കൃഷ്ണന്റെ ഉടമസ്ഥതയിലുള്ളതാണ് ജീപ്പ്. ഞായറാഴ്ച്ച അര്‍ധരാത്രിയോടെയാണ് സംഭവം. ചേലക്കാട് നിന്നു ഫയര്‍ഫോഴ്‌സ് എത്തിയാണ് തീ അണച്ചത്.
നാലു ദിവസം മുമ്പ് പേരോട്ട് തന്നെയുള്ള പുന്നോളി ഗഫൂറിന്റെ ബൊലേറോ ജീപ്പ് അക്രിമകള്‍ കത്തിച്ചിരുന്നു. ഇതിന്റെ ഞെട്ടല്‍ വിട്ടുംമാറും മുമ്പാണ് മേഖലയില്‍ അസ്വസ്ഥ പടര്‍ത്തുകയെന്ന ലക്ഷ്യത്തോടെ മറ്റൊരു തീവയ്പ് നടന്നത്. എസ്‌ഐ വി വി ശ്രീജേഷും സംഘവും സ്ഥലത്തെത്തി.
Next Story
