അന്തര്‍ജില്ലാ ക്രിക്കറ്റ് കോഴിക്കോടിന് ജയം

പെരിന്തല്‍മണ്ണ: പെരിന്തല്‍മണ്ണ ക്രിക്കറ്റ് സ്‌റ്റേഡിയത്തില്‍ വെച്ച് നടക്കുന്ന 16 വയസ്സിന് താഴെയുള്ള ആണ്‍കുട്ടികളുടെ എകദിന ഗ്രൂപ്പ് എ ക്രിക്കറ്റ് മത്സരത്തില്‍ കോഴിക്കോട് 1 റണ്ണിന് കാസര്‍കോഡിനെ പരാജയപ്പെടുത്തി.

സ്‌കോര്‍: ടോസ് നേടിയ കോഴിക്കോട് എല്ലാ വിക്കറ്റുകളും നഷ്ടമായി 50 ഒവറില്‍ 200 റണ്‍സ്. കോഴിക്കോടിന് വേണ്ടി പി.കെ റിഷികേശ് 62 റണ്‍സും, സച്ഛിന്‍ സൂരജ്ജ് 30 റണ്‍സും നേടി. കാസര്‍കോഡിന് വേണ്ടി മുഹമ്മദ് അലി ഷഹ്‌റാസ് 10 ഓവറില്‍ 32 റണ്‍സ് വിട്ട് നല്‍കി 6 വിക്കറ്റ് നേടി.

കാസര്‍കോഡ് ടീം 49.5 ഓവറില്‍ 199 റണ്‍സിന് എല്ലാവരും പുറത്തായി. കാസര്‍കോഡിന് വേണ്ടി സുശ്രീത് എസ് 55 റണ്‍സും, മുഹമ്മദ് അലി ഷഹ്‌റാസ് പുറത്താകാതെ 54 റണ്‍സും നേടി. കോഴിക്കോടിന്റെ എം.ടി ഫെഹിന്‍ 10 ഓവറില്‍ 43 റണ്‍സ് വിട്ട് നല്‍കി 3 വിക്കറ്റ് നേടി.

ഇന്ന് മലപ്പുറം കോഴിക്കോടിനെ നേരിടും