സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യത; ഇടുക്കിയില്‍ യെല്ലോ അലര്‍ട്ട്

തിരുവനന്തപുരം: സംസ്ഥാനത്ത് വിവിധ ജില്ലകളില്‍ ഒറ്റപ്പെട്ട ശക്തമായ മഴയ്ക്ക് സാധ്യത. ഇടുക്കി ജില്ലകയില്‍ യെല്ലോ അലര്‍ട്ട് പ്രഖ്യാപിച്ചു. ജനുവരി ഒമ്പതിന് കൊല്ലത്തും യെല്ലോ അലര്‍ട്ട് പ്രഖ്യാപിച്ചിട്ടുണ്ട്.

തിങ്കളാഴ്ച വരെ ഇതേ കാലാവസ്ഥ തുടരുമെന്നാണ് കാലാവസ്ഥാ വകുപ്പിന്റെ പ്രവചനം.

64.5 മി മീറ്റര്‍ മുതല്‍ 115.5 മി മീറ്റര്‍ മഴ വരെയാണ് പ്രതീക്ഷിക്കുന്നത്.

സംസ്ഥാനത്ത് വിവിധ പ്രദേശങ്ങളില്‍ ഇടിമിന്നലിനുള്ള സാധ്യതയുണ്ട്. ഉച്ചയ്ക്ക് രണ്ട് മണിക്കു ശേഷമാണ് ഇടിമിന്നലിന് സാധ്യത. ഇടിമിന്നല്‍ സമയങ്ങളില്‍ തുറസ്സായ പ്രദേശങ്ങള്‍ ഒഴിവാക്കണം.