മാന്നാര് കല കൊലപാതക കേസില് കൂടുതല് വിവരങ്ങള് പുറത്ത്; മൃതദേഹം ആദ്യം ആറ്റില് കളയാനാണ് പ്രതികള് തീരുമാനിച്ചിരുന്നത്
ആലപ്പുഴ: മാന്നാര് കല കൊലപാതക കേസില് കൂടുതല് വിവരങ്ങള് പുറത്ത്. കലയുടെ മൃതദേഹം ആദ്യം ആറ്റില് കളയാനാണ് പ്രതികള് തീരുമാനിച്ചതെന്നും ഇതിനാണ് വലിയ പെരുമ്പുഴ പാലത്തിനടുത്ത് മൃതദേഹം കാറില് എത്തിച്ചതെന്നുമാണ് വിവരം. എന്നാല് സാഹചര്യം അനുകൂലമല്ലാത്തതിനാല് മൃതദേഹം ആറ്റിലുപേക്ഷിച്ചില്ല. പിന്നീട് മൃതദേഹം വീട്ടിലെത്തിച്ച് സെപ്റ്റിക് ടാങ്കില് ഉപേക്ഷിക്കുകയായിരുന്നു. എന്നാല് മൃതദേഹം സെപ്റ്റിക് ടാങ്കില് നിന്ന് മാറ്റിയതായും പോലിസ് ഇപ്പോള് സംശയിക്കുന്നുണ്ട്. 15 വര്ഷത്തിനിടെ രണ്ട് തവണ സെപ്റ്റിക് ടാങ്ക് വൃത്തിയാക്കിയിരുന്നുവെന്നാണ് കണ്ടെത്തല്. സെപ്റ്റിക് ടാങ്കില് നിന്ന് ലഭിച്ച വസ്തുക്കള് കോടതിക്ക് കൈമാറി.
മാന്നാറിലെ കേസില് കൂടുതല് തെളിവ് ശേഖരണത്തിനാണ് പോലിസിന്റെ ശ്രമം. കസ്റ്റഡിയില് വാങ്ങിയ മൂന്ന് പ്രതികളെയും ഇന്ന് വിശദമായി ചോദ്യം ചെയ്യും. കലയുടെ മൃതദേഹം കുഴിച്ചിട്ടു എന്ന് പ്രതികള് പറഞ്ഞ അനിലിന്റെ വീട്ടിലും കൊലപാതകം നടന്ന വലിയ പെരുമ്പുഴ പാലത്തിലും, മൊഴിയില് ഉള്പ്പെട്ട മറ്റിടങ്ങളിലും പ്രതികളെ എത്തിച്ചു തെളിവെടുപ്പ് നടത്തും. 6 ദിവസത്തെ കസ്റ്റഡിയാണ് കോടതി അനുവദിച്ചത്. ഈ ദിവസങ്ങള്ക്കുള്ളില് പരമാവധി തെളിവുകള് ശേഖരിക്കുകയാണ് ലക്ഷ്യം. അനിലിനെ കൂടി കസ്റ്റഡിയില് കിട്ടിയാല് മാത്രമേ കൊലപാതകം എങ്ങനെ നടന്നു എന്ന വ്യക്തമായ ചിത്രം പോലിസിന് ലഭിക്കു.
അനിലിനെ ഇസ്രായേലില് നിന്ന് നാട്ടിലെത്തിക്കാനുള്ള നടപടികള് പോലിസ് വേഗത്തിലാക്കിയിട്ടുണ്ട്. കല കൊല്ലപ്പെട്ടത് 2009 ലാണെന്ന് പറയുമ്പോഴും കൃത്യം നടന്ന സ്ഥലമോ തീയ്യതിയോ പോലിസിന്റെ പക്കലില്ല. കലയുടെ മൃതദേഹം കുഴിച്ചു മൂടിയത് എവിടെയാണെന്ന് പോലിസ് ഇതുവരെ സ്ഥിരീകരിച്ചിട്ടില്ല. നിലവില് സെപ്റ്റിക് ടാങ്കില് നിന്ന് കണ്ടെത്തിയ വസ്തുക്കളുടെ രാസപരിശോധനാ ഫലം ലഭിച്ചെങ്കില് മാത്രമേ കലയുടെ മൃതദേഹം ഇവിടെയാണ് കുഴിച്ചു മൂടിയതെന്ന് സ്ഥിരീകരിക്കാനാകൂ. രാസപരിശോധന ഫലം മറിച്ചായാല് പോലിസിന് തിരിച്ചടിയാകും. കലയുടെ മൃതദേഹം കൊണ്ടുവന്ന കാറുള്പ്പടെ പല തെളിവുകളും ഇനിയും കണ്ടെത്തേണ്ടതുണ്ട്.
RELATED STORIES
ചായയുമായി ട്രെയിനില് കയറാന് ശ്രമം; തെന്നിവീണ് ഒറ്റപ്പാലം സ്വദേശി...
19 Sep 2024 3:07 PM GMTനിപ: ഒരു ഫലം കൂടി നെഗറ്റീവ്; സമ്പര്ക്ക പട്ടികയില് 268പേര്
19 Sep 2024 2:37 PM GMTഎം പോക്സ്: വൈറസ് വകഭേദം കണ്ടെത്താന് ജീനോം സീക്വന്സിങ്...
19 Sep 2024 2:28 PM GMTസിബിഎസ്ഇ ഉറുദു ചോദ്യപേപ്പര് ഒഴിവാക്കി; ആയിരക്കണക്കിന് വിദ്യാര്ഥികള് ...
19 Sep 2024 1:47 PM GMTസംവിധായകന് വി കെ പ്രകാശിനെ അറസ്റ്റ് ചെയ്ത് ജാമ്യത്തില് വിട്ടു
19 Sep 2024 1:00 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; കേന്ദ്രമന്ത്രി രവ്നീത്...
19 Sep 2024 12:45 PM GMT