കൊയിലാണ്ടി: വാക്‌സിന്‍ നയം അട്ടിമറിച്ച കൗണ്‍സിലര്‍ രാജിവയ്ക്കണമെന്ന് എസ്ഡിപിഐ

കൊയിലാണ്ടി: വാക്‌സിന്‍ നയത്തെ അട്ടിമറിച്ച കൊയിലാണ്ടി നഗരസഭയിലെ നാല്‍പത്തി രണ്ടാം വാര്‍ഡ് കൗണ്‍സിലര്‍ രാജിവെക്കണമെന്ന് എസ്ഡിപിഐ. പ്രതിഷേധ സൂചകമായി എസ്ഡിപിഐ കൊയിലാണ്ടി ബ്രാഞ്ച് കമ്മിറ്റി കൊല്ലം ടൗണില്‍ പ്രകടനം നടത്തി.

റാഷിദ് കൊല്ലം, ബ്രാഞ്ച് സക്രട്ടറി മിഥിലാജ്, ജുനൈസ് കൊല്ലം തുടങ്ങിയവര്‍ പ്രതിഷേധത്തിന് നേതൃത്വം നല്‍കി.

മുസ്‌ലിം ലീഗുകാര്‍ക്ക് പ്രത്യേക പരിഗണന നല്‍കിക്കൊണ്ടുള്ള കൗണ്‍സിലറുടെ ഓഡിയോ ക്ലിപ്പിനെതിരേ പ്രതിഷേധം ശക്തമായിരിക്കുകയാണ്.