വിധവകളായ നിര്‍ധനര്‍ക്ക് ഓണകിറ്റുമായി മാള മാതൃവേദി

മാള: വിധവകളായ നിര്‍ധനര്‍ക്ക് മാള മാതൃവേദി ഓണകിറ്റുകള്‍ വിതരണംചെയ്തു. കിറ്റിനൊപ്പം 100 രൂപയും വിതരണം ചെയ്തു. താഴെക്കാട് സെന്റ് സെബാസ്റ്റ്യന്‍സ് മേജര്‍ ആര്‍ക്കി എപ്പിസ്‌കോപ്പല്‍ തീര്‍ത്ഥാടന കേന്ദ്രത്തിലെ മാതൃവേദിയുടെ ആഭിമുഖ്യത്തിലാണ് നാനാ ജാതി മത ത്തില്‍പ്പെട്ട വിധവകള്‍ക്കും നിര്‍ദ്ധനരായ കുടുംബിനികള്‍ക്കും ഓണക്കിറ്റും 100 രൂപയും ഓണ സമ്മാനമായി വിതരണം ചെയ്തത്.

ചെല്ലാനത്ത് മേരിയുടെ ഭക്ഷണപ്പൊതിയിലെ 100 രൂപയുടെ മാതൃക പിന്തുടര്‍ന്നാണ് മാതൃവേദി അംഗങ്ങള്‍ ഓണക്കിറ്റിനോടൊപ്പം 100 രൂപയും വിതരണം ചെയ്തത്. ഓണക്കിറ്റ് വിതരണ ഉദ്ഘാടനം ആര്‍ച്ച് പ്രീസ്റ്റ് ഫാദര്‍ ജോണ്‍ കവലക്കാട്ട് നിര്‍വ്വഹിച്ചു. അസിസ്റ്റന്റ് വികാരി ഫാദര്‍ ഡോഫിന്‍ കാട്ടുപറമ്പില്‍, മാതൃവേദി പ്രസിഡന്റ് സ്റ്റെല്ല ജോയ്, ട്രഷറര്‍ ഗ്രേസി, സെക്രട്ടറി എല്‍സി ഈനാശു തുടങ്ങിയവര്‍ സന്നിഹിതരായിരുന്നു.