കര്‍ണാടകയില്‍ വാഹനാപകടത്തില്‍ മാനന്തവാടി സ്വദേശി മരിച്ചു

മാനന്തവാടി: കര്‍ണാടക മാതാപുരത്ത് കാറുകള്‍ തമ്മില്‍ കൂട്ടിയിടിച്ചുണ്ടായ അപകടത്തില്‍ മാനന്തവാടി സ്വദേശിയായ യുവാവ് മരിച്ചു. എടവക പള്ളിക്കല്‍ രണ്ടേനാല്‍ താന്നിയാട് വള്ളി കുഞ്ഞമ്മദിന്റെ മകന്‍ ഇസ്മായില്‍ (27) ആണ് മരിച്ചത്. സഹയാത്രികരായ നാല് പേരെ പരിക്കുകളോടെ ആശുപത്രിയില്‍ പ്രവേശിപ്പിച്ചു.

കര്‍ണാടകയില്‍ ബേക്കറി നടത്തിപ്പിന് കട അന്വേഷിക്കുന്നതിനായി പോയി മടങ്ങിവരുന്ന വഴിയില്‍ എച്ച്ഡി കോട്ടയ്ക്കടുത്തായിരുന്നു അപകടം. പരിക്കേവരെ മൈസൂര്‍ ഹുന്‍സൂര്‍ റോഡിലുള്ള വൃന്ദാവന്‍ ആശുപത്രിയിലാണ് അഡ്മിറ്റ് ചെയ്തിരിക്കുന്നത്. രണ്ടേ നാല്, കോറോം, കാട്ടിക്കുളം എന്നിവിടങ്ങളില്‍ കര്‍ട്ടണ്‍ വില്‍പ്പന സ്ഥാപനങ്ങള്‍ നടത്തിവരികയായിരുന്നു ഇസ്മായില്‍.