വാഴാനി അണക്കെട്ടിന്റെ ഷട്ടറുകള്‍ ഇന്ന് തുറക്കും

തൃശൂര്‍: വാഴാനി അണക്കെട്ടിന്റെ ഷട്ടറുകള്‍ ഇന്ന് രാവിലെ 10 നും 11നുമിടയില്‍ തുറക്കുമെന്ന് ജില്ലാ കലക്ടര്‍ എസ് ഷാനവാസ് അറിയിച്ചു. വാഴാനി കനാലിന് ഇരുവശത്തും ജാഗ്രതാ നിര്‍ദേശം നല്‍കി. ജലനിരപ്പ് ഉയരാന്‍ സാധ്യതയുള്ളതിനാല്‍ മത്സ്യ ബന്ധനം, മറ്റ് അനുബന്ധ പ്രവൃത്തികള്‍ എന്നിവ പാടില്ലെന്നും ഇതിനുള്ള നടപടികള്‍ ബന്ധപ്പെട്ട തദ്ദേശ സ്വയംഭരണ സ്ഥാപനങ്ങള്‍ സ്വീകരിക്കണമെന്നും കലക്ടര്‍ അറിയിച്ചു.