വീട്ടില്‍ സൂക്ഷിച്ച രണ്ടേ മുക്കാല്‍ കിലോ കഞ്ചാവ് പിടികൂടി

കല്‍പ്പറ്റ: എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി പി അനൂപും സംഘവുംനടത്തിയ പരിശോധനയില്‍ മേപ്പാടി ഓടത്തോട് ചാമക്കലായി വീട്ടില്‍ നിന്നും 2.750 കിലോഗ്രാം കഞ്ചാവും, കഞ്ചാവ് വിറ്റ വകയില്‍ ലഭിച്ചതായി കരുതുന്ന 27000 രൂപയും പിടികൂടി.

നിരവധി കഞ്ചാവു കേസുകളിലെ പ്രതിയായ മലപ്പുറം തിരൂര്‍ മലയില്‍ വീട്ടില്‍ അലി സിദ്ദീഖ് എന്നയാള്‍ ഭാര്യാ ഗൃഹത്തില്‍ സൂക്ഷിച്ച കഞ്ചാവാണ് പിടി കൂടിയത്. എക്‌സൈസ് സംഘം എത്തും മുന്‍പേ അലി കടന്നുകളഞ്ഞു.

ചുണ്ട കേന്ദ്രീകരിച്ചു കഞ്ചാവ് വില്‍പ്പന നടത്തി വരികയായിരുന്നു അലിയെന്ന് എക്‌സൈസ് അധികൃതര്‍ പറഞ്ഞു.