ജിദ്ദയിൽ ചികിത്സയിലായിരുന്ന പ്രവാസി സാമൂഹിക പ്രവർത്തകൻ മരിച്ചു

റിയാദ്: സൗദി അറേബ്യയില്‍ ചികിത്സയിലായിരുന്ന മലയാളി സാമൂഹിക പ്രവര്‍ത്തകന്‍ മരിച്ചു. രോഗബാധിതനായി ഒരാഴ്ചയോളമായി ജിദ്ദ കിങ് ഫഹദ് ആശുപത്രിയിൽ ചകിത്സയിലായിരുന്ന രാമനാട്ടുകര വൈദ്യരങ്ങാടി സ്വദേശി നാസർ കോങ്ങയിൽ (50) ആണ് മരിച്ചത്. ജിദ്ദയിൽ ടാക്സി ഡ്രൈവറായിരുന്നു.

മൂന്ന് പതിറ്റാണ്ടായി പ്രവാസിയായിരുന്ന ഇദ്ദേഹം കെ.എം.സി.സി പ്രവർത്തകനായിരുന്നു. പിതാവ്: കോങ്ങയിൽ മുഹമ്മദ് കുട്ടി, മാതാവ്: സൈനബ, ഭാര്യ: വി.ടി റംല, മക്കൾ: അനസ്, അംജദ് അലി, ആഷിക് മർജാൻ, മിസ്രിയ.