പെന്‍ അന്താരാഷ്ട്ര പുരസ്‌കാരം മീന കന്ദസാമിക്ക്

ന്യൂഡല്‍ഹി: ജര്‍മ്മനിയിലെ ഡാര്‍മ്സ്റ്റാഡ് പെന്‍( പിഇഎന്‍) സെന്റര്‍, ഹെര്‍മന്‍ കെസ്റ്റണ്‍ പുരസ്‌കാര ജേതാക്കളെ പ്രഖ്യാപിച്ചു. ഈ വര്‍ഷത്തെ പുരസ്‌കാരം പ്രശസ്ത ഇന്ത്യന്‍ ഇംഗ്ലീഷ് എഴുത്തുകാരിയും കവിയുമായ മീന കന്ദസാമിക്കാണ്.

സത്യസന്ധമായി, ഇത് എങ്ങനെ എടുക്കുമെന്ന് എനിക്കറിയില്ലെന്ന് അവര്‍ പ്രതികരിച്ചു. ഗുണ്ടര്‍ ഗ്രാസ്, ഹരോള്‍ഡ് പിന്റര്‍ എന്നിവരുള്‍പ്പടെയുള്ള പ്രമുഖര്‍ക്ക് ലഭിച്ച പുരസ്‌കാരമാണ് ഇപ്പോള്‍ മീന കന്തസാമിക്ക് ലഭിക്കുന്നത്. താന്‍ ചെയ്തുകൊണ്ടിരിക്കുന്നതിന് അംഗീകാരമാണ് ഇതെന്നും ഇന്ത്യയിലെ പുരോഗമനകാരികളായ എഴുത്തുകാര്‍ക്കും കലാകാരന്മാര്‍ക്കും ചില ഉത്തരവാദിത്തങ്ങളുണ്ടെന്നും അവര്‍ പറഞ്ഞു.

ദി ജിപ്‌സി ഗോഡസ്സ്' , 'വെന്‍ ഐ ഹിറ്റ് യു, ടച്ച് തുടങ്ങി നിരവധി പുസ്തകങ്ങളും കവിതാസമാഹാരങ്ങളും പ്രസിദ്ധീകരിച്ചിട്ടുണ്ട്.