മാളയില്‍ വില്പനക്കായി ആക്ടിവ സ്‌കൂട്ടറില്‍ കടത്തികൊണ്ട് വന്ന 12 കുപ്പി മദ്യം പിടികൂടി

മാള: ചാലക്കുടി എക്‌സൈസ് റേഞ്ച് പ്രീവന്റീവ് ഓഫിസര്‍ സതീഷ് കുമാറിന്റെ നേതൃത്വത്തില്‍ ചാലക്കുടി ആനമല ഭാഗങ്ങളില്‍ നടത്തിയ പരിശോധനയില്‍ വില്പനക്കായി ആക്ടിവ സ്‌കൂട്ടറില്‍ കടത്തികൊണ്ട് വന്ന 12 കുപ്പി മദ്യം പിടികൂടി.

മദ്യം കടത്തിയ പരിയാരം വില്ലേജ് കാഞ്ഞിരപ്പിള്ളി ദേശത്ത് പൊയ്യക്കാരന്‍ വേലായുധന്‍ (56) എന്നായാളെ പ്രീവന്റീവ് ഓഫിസര്‍ കെ എസ് സതീഷ്‌കുമാര്‍ അറസ്റ്റ് ചെയ്തു. കസ്റ്റഡിയില്‍ എടുത്ത പാര്‍ട്ടിയില്‍ പ്രീവന്റീവ് ഓഫിസര്‍ ഗ്രേഡ് സി കെ ദേവദാസ്, എം കെ കൃഷ്ണ പ്രസാദ് എന്നിവരും ഉണ്ടായിരുന്നു.