പിക്കപ്പ് വാന്‍ മറിഞ്ഞ് ഒരു മരണം; പതിനാറ് പേര്‍ക്ക് പരിക്ക്‌

കൂടരഞ്ഞി(കോഴിക്കോട്): മേലെ കൂമ്പാറയില്‍ മിനി പിക്കപ്പ് വാന്‍ മറിഞ്ഞ് ഒരാള്‍ മരിച്ചു. പതിനാറ് പേര്‍ക്ക് പരിക്കേറ്റു. വാഹനം വളവില്‍നിന്ന് നിയന്ത്രണംവിട്ട് മറിയുകയായിരുന്നു. പരിക്കേറ്റവരെ ആശുപത്രിയിലേക്ക് മാറ്റി.െ്രെഡവര്‍ ഉള്‍പ്പടെ 17 പേരാണ് വണ്ടിയില്‍ ഉണ്ടായിരുന്നത്. വൈകീട്ട് ഏഴ് മണിയോടെയാണ് അപകടമുണ്ടായത്. നിയന്ത്രണം വിട്ട് വാഹനം 200 മീറ്റര്‍ താഴ്ചയിലേക്ക് മറിഞ്ഞു. വാഹനം വീണ് ഒരു വീടിന്റെ മുകള്‍ ഭാഗം തകര്‍ന്നു. അപകട സ്ഥലത്തു നിന്ന് ആളുകളെ മാറ്റുന്നതിനിടയില്‍ പൊലീസും നാട്ടുകാരുമായും സംഘര്‍ഷമുണ്ടായി. തിരുവമ്പാടി സിഐ ആളുകളെ ബലം പ്രയോഗിച്ചു മാറ്റാന്‍ ശ്രമിച്ചതാണ് കാരണമെന്ന് നാട്ടുകാര്‍ ആരോപിച്ചു. രക്ഷാപ്രവര്‍ത്തനത്തിന് തടസം നിന്നതുകൊണ്ടാണ് നാട്ടുകാരെ മാറ്റാന്‍ കാരണമെന്ന് പോലിസും ആരോപിച്ചു.