പോപുലര്‍ ഫ്രണ്ട് യൂണിറ്റി മാര്‍ച്ച്; മട്ടന്നൂരില്‍ സ്വാഗത സംഘം ഓഫിസ് ഉദ്ഘാടനം ചെയ്തു

കണ്ണൂര്‍: 'രാജ്യത്തിനായി പോപുലര്‍ ഫ്രണ്ടിനൊപ്പം' എന്ന കാമ്പയിന്റെ സമാപനത്തോടനുബന്ധിച്ചു ഫെബ്രുവരി 17ന് പോപുലര്‍ ഫ്രണ്ട് സ്ഥാപക ദിനത്തില്‍ മട്ടന്നൂരില്‍ നടത്തുന്ന യൂണിറ്റി മാര്‍ച്ചിന്റെ സ്വാഗത സംഘം ഓഫിസ് പ്രവര്‍ത്തനമാരംഭിച്ചു. മട്ടന്നൂരില്‍ സംഘാടക സമിതി ചെയര്‍മാനും പോപുലര്‍ ഫ്രണ്ട് കണ്ണൂര്‍ ജില്ലാ പ്രസിഡന്റുമായ എ പി മഹമൂദ് ആണ് ഉദ്ഘാടനം നിര്‍വ്വഹിച്ചത്.

കണ്‍വീനര്‍ എന്‍ പി ഷക്കീല്‍, പോപുലര്‍ ഫ്രണ്ട് കണ്ണൂര്‍ ജില്ലാ സെക്രട്ടറി അനസ് സി സി, സജീര്‍ കീച്ചേരി, നൗഫല്‍ ശിവപുരം, നിസാര്‍ കാട്ടാമ്പള്ളി തുടങ്ങിയവര്‍ പങ്കെടുത്തു.

കാമ്പയിന്റെ ഭാഗമായുള്ള വാഹന പ്രചരണ ജാഥ ഫെബ്രുവരി 8 മുതല്‍ 12 വരെ സംഘടിപ്പിക്കുമെന്നും 17 ന് നടക്കുന്ന കേഡറ്റുകളുടെ യൂണിറ്റി മാര്‍ച്ചും റാലിയും പൊതുസമ്മേളനവും വിജയിപ്പിക്കണമെന്നും എ പി മഹമൂദ് വാര്‍ത്ത കുറിപ്പില്‍ അറിയിച്ചു.