തുടര്‍ച്ചയായി നാലാം തവണയും എസ്എസ്എല്‍സി പരീക്ഷയില്‍ 100% വിജയം; കരുമാലൂര്‍ എഫ് എം സി ടി ഹയര്‍ സെക്കന്‍ഡറി സ്‌കൂളിന് ആദരവുമായി എസ് ഡി പി ഐ

കരുമാല്ലൂര്‍: തുടര്‍ച്ചയായി നാല് തവണയും എസ് എസ് എല്‍ സി പരീക്ഷയില്‍ 100% വിജയം കരസ്ഥമാക്കിയ കരുമാല്ലൂര്‍ എഫ് എം സി ടി ഹയര്‍ സെക്കന്ററി സ്‌കൂളിന് എസ് ഡി പി ഐ കരുമാല്ലൂര്‍ പഞ്ചായത്ത് കമ്മിറ്റിയുടെ ആദരം. സ്‌കൂളിന് എസ് ഡി പി ഐ കരുമാല്ലൂര്‍ പഞ്ചായത്ത് കമ്മിറ്റിയുടെ നേതൃത്വത്തില്‍ ഉപഹാരം നല്‍കി.എസ് ഡി പി ഐ കരുമാല്ലൂര്‍ പഞ്ചായത്ത് കമ്മിറ്റി പ്രസിഡന്റ് സി കെ സുനീര്‍ ഉപഹാരം കൈമാറി.

എസ്ഡിപിഐ എറണാകുളം ജില്ലാ കമ്മിറ്റിയംഗം സി എസ് ഷാനവാസ് ,എസ് ഡി പി ഐ പഞ്ചായത്ത് കമ്മിറ്റി സെക്രട്ടറി നൗഷാദ് പള്ളിപ്പടി, എസ് ഡി പി ഐകരുമാല്ലൂര്‍ ബ്രാഞ്ച് പ്രസിഡന്റ് എ പി ഷമീര്‍ ചടങ്ങില്‍ പങ്കെടുത്തു.പ്രഥമ അധ്യാപിക ജീഷ ടീച്ചര്‍, ടീച്ചര്‍മാരായ കെ കെ റൈഹാനത്ത് ,മേരി ,സുബൈദ,ജോയ്‌സി,ദീപ്തി,അംബിക,ഷാനിഷ് ജോയി,ജീബു എന്നിവര്‍ ചേര്‍ന്ന് ഉപഹാരം ഏറ്റുവാങ്ങി.