ബാബരിമസ്ജിദ് പുനര്‍നിര്‍മിക്കാനായി മുഴുവന്‍ ജനങ്ങളും ശബ്ദമുയര്‍ത്തണമെന്ന് എസ്ഡിപിഐ

കൊയിലാണ്ടി: ബാബരിമസ്ജിദ് പുനര്‍നിര്‍മിക്കാനായി മുഴുവന്‍ ജനങ്ങളും ശബ്ദമുയര്‍ത്തണമെന്ന് എസ്ഡിപിഐ കോഴിക്കോട് ജില്ലാ സെക്രട്ടറി നിസാം പുത്തൂര്‍ പറഞ്ഞു. 'ബാബരി മസ്ജിദ് പുനര്‍നിര്‍മിക്കും വരെ പോരാട്ടം തുടരും' എന്ന മുദ്രാവാക്യമുയര്‍ത്തി എസ്ഡിപിഐ കൊയിലാണ്ടി മണ്ഡലം കമ്മിറ്റി കൊയിലാണ്ടി ടൗണില്‍ സംഘടിപ്പിച്ച സായാഹ്ന ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

മണ്ഡലം പ്രസിഡണ്ട് റിയാസ് പയ്യോളി അധ്യക്ഷത വഹിച്ചു. എസ്ഡിടിയു ജില്ലാ പ്രസിഡന്റ് ഇസ്മായില്‍ കമ്മന, പോപുലര്‍ ഫ്രണ്ട് ഏരിയ കമ്മിറ്റി അംഗം ഖലീല്‍ നന്തി, എന്‍ഡബ്ല്യുഎഫ് ജില്ലാ കമ്മിറ്റി അംഗം റസീന തോടന്നൂര്‍, വിമന്‍ ഇന്ത്യ മൂവ്മന്റ് മണ്ഡലം പ്രസിഡന്റ് ജസിയ കാവുംവട്ടം, സിക്രട്ടറി കെ.കെ ഷരീഫ, ജലീല്‍ യു പി, റസാഖ് കാട്ടിലപീടിക എന്നിവര്‍ സംസാരിച്ചു.

സാദിഖ് കെ കെ സ്വാഗതവും മുസ്തഫ കവലാട് നന്ദിയും പറഞ്ഞു.