മു​ണ്ട​ക്കു​ന്ന് ഹോ​ളി​ഫാ​മി​ലി സ്കൂ​ളിൽ വി​ശു​ദ്ധ മ​റി​യം ത്രേ​സ്യ​യു​ടെ രൂ​പം തകർത്തു; വ്യാപക പ്രതിഷേധം, എസ്‌ഡിപിഐ നേതാക്കൾ സ്കൂൾ സന്ദർശിച്ചു

കാ​ഞ്ഞി​ര​പ്പു​ഴ: മു​ണ്ട​ക്കു​ന്ന് ഹോ​ളി​ഫാ​മി​ലി കോ​ൺ​വെ​ൻറ് യു​പി സ്കൂ​ളി​ൽ വി​ശു​ദ്ധ മ​റി​യം ത്രേ​സ്യ​യു​ടെ രൂ​പ​വും ചു​റ്റു​മു​ള്ള രൂ​പ​ങ്ങ​ളും ത​ക​ർ​ത്തു. ഇന്നലെ രാവിലെ സ്കൂളിലെത്തിയപ്പോഴാണ് സംഭവം ശ്രദ്ധയിൽ പെട്ടത്. അ​തോ​ടൊ​പ്പം ഓ​ഫി​സ് വ​രാ​ന്ത​ക​ളി​ലും ചു​മ​രു​ക​ളി​ലും മ​ല​മൂ​ത്ര വി​സ​ർ​ജ​നം ന​ട​ത്തു​ക​യും വൃ​ത്തി​ഹീ​ന​മാ​ക്കു​ക​യും ചെ​യ്തി​ട്ടു​ണ്ട്. പൂ​ച്ച​ട്ടി​ക​ളും കൊ​ടി​മ​ര​വും ഭാ​ഗി​ക​മാ​യി ത​ക​ർ​ന്ന നി​ല​യി​ലാ​ണ്.

വി​ശു​ദ്ധ മ​റി​യം ത്രേ​സ്യ​യു​ടെ പു​തു​താ​യി സ്ഥാ​പി​ച്ച ഫോ​ട്ടോ​യും ഓ​ഫി​സി​നു മു​ൻ​പി​ൽ സ്ഥാ​പി​ച്ചി​രു​ന്ന ഹെ​ൽ​പ്പ് ഡെ​സ്കി​ൻറെ ബോ​ക്സും സ​മീ​പ​ത്തെ വാ​ഴ​ത്തോ​ട്ട​ത്തി​ൽ ക​ണ്ടെ​ത്തിയിരുന്നു.

സംഭവത്തിൽ പ്രതിഷേധം കനക്കുകയാണ്. എത്രയും പെട്ടന്ന് കുറ്റക്കാർക്കെതിരെ നടപടി സ്വീകരിക്കുകയും നിയമത്തിന് മുൻപിൽ കൊണ്ടുവരണമെന്നും എസ്‌ഡിപിഐ ആവശ്യപ്പെട്ടു.

എസ്‌ഡിപിഐ മണ്ണാർക്കാട് മേഖല പ്രസിഡന്റ് സമീർ ചോമേരിയുടെ നേതൃത്വത്തിൽ എസ്‌ഡിപിഐ മണ്ണാർക്കാട് മേഖല ടീം സ്കൂൾ സന്ദർശിച്ചു.

വിദ്യാലയങ്ങളിലെ അതിക്രമം ഗൗരവമായി കാണണമെന്നും കുറ്റക്കാർക്കെതിരെ കർശന നടപടി സ്വീകരിക്കണമെന്നും സമീർ ചോമേരി ആവശ്യപ്പെട്ടു. നാട്ടിൽ അസമാധാനവും ആരാചകത്വവും വളർത്തുവാൻ ശ്രമിക്കുന്ന ശക്തികൾക്കെതിരെ പോലിസ് നടപടി സ്വീകരിച്ചില്ലെങ്കിൽ ശക്തമായ പ്രതിഷേധം സംഘടിപ്പിക്കുമെന്നും അദ്ദേഹം പറഞ്ഞു.

എസ്‌ഡിപിഐ മണ്ണാർക്കാട് മുൻസിപ്പൽ പ്രസിഡന്റ് മൻസൂർ മണ്ണാർക്കാട്, മുൻസിപ്പൽ സെക്രട്ടറി നജീബ് കുന്നത്ത്, അക്ബർ ആനമൂളി, ഖാദർ കാഞ്ഞിരപ്പുഴ തുടങ്ങിയവർ സംബന്ധിച്ചു.