ജംഇയ്യത്ത് ഉലമ നിര്‍മിച്ച് വീടുകളുടെ താക്കോല്‍ കൈമാറി

കുടക്: 2019 ലെ മഹാപ്രളയത്തില്‍ ഭവനരഹിതരായ 16 പേര്‍ക്ക് കര്‍ണാടകയിലെ കുടക് ജില്ലയിലെ സദാപൂരില്‍ ജംഇയ്യത്ത് ഉലമാ ഏ ഹിന്ദ് നിര്‍മ്മിച്ച വീടുകളുടെ താക്കോല്‍ സയ്യിദ് അര്‍ഷദ് മദനി കൈമാറി. കേരളവുമായി അതിര്‍ത്തി പങ്കിടുന്ന സദാപൂരില്‍ കേരളത്തെ വിഴുങ്ങിയ 2019ലെ പ്രളയക്കെടുതിയുടെ അതേ ഘട്ടത്തില്‍ തന്നെ പ്രളയം നാശം വിതച്ചിരുന്നു.

പ്രളയബാധിതരായ 33 കുടുംബങ്ങള്‍ക്ക് ജംഇയ്യത്ത് ഉലമാ ഏ ഹിന്ദ് വീട് കൈമാറിയിട്ടുണ്ട്. ഇതില്‍ 18 പേര്‍ അമുസ്‌ലിം കുടുംബങ്ങളാണ്. 400 ചതുരശ്ര അടി വിസ്തീര്‍ണ്ണമുളള വീടുകളാണ് നിര്‍മിച്ച് നല്‍കിയത്. സന്നദ്ധപ്രവര്‍ത്തകരുടെ സഹായവും വീട് നിര്‍മാണത്തിന് ലഭിച്ചിരുന്നു.