മന്നാനീസ് അസോസിയേഷന്‍ സംസ്ഥാന കമ്മിറ്റി അനുസ്മരണ സംഗമം സംഘടിപ്പിച്ചു

വര്‍ക്കല:മന്നാനീസ് അസോസിയേഷന്‍ സംസ്ഥാന കമ്മിറ്റിയുടെ ആഭിമുഖ്യത്തില്‍ പാണക്കാട് ഹൈദരലി ശിഹാബ് തങ്ങള്‍, ചേലക്കുളം സൈനുല്‍ ഉലമാ അബുല്‍ ബുഷ്‌റ മൗലവി എന്നിവരുടെ അനുസ്മരണം സംഘടിപ്പിച്ചു.വിവിധ താലൂക്കുകളെ പ്രതിനിധീകരിച്ച് മന്നാനി പണ്ഡിതന്മാര്‍ അണിനിരന്ന സംഗമത്തില്‍, ദക്ഷിണ കേരള ജംഇയ്യത്തുല്‍ ഉലമായുടെ പ്രസിഡന്റ് ആയി തിരഞ്ഞെടുക്കപ്പെട്ട വര്‍ക്കല ജാമിഅ: മന്നാനിയ്യ: പ്രിന്‍സിപ്പല്‍ ശൈഖുനാ നൂറുല്‍ ഉലമാ കെ പി അബൂബക്കര്‍ ഹസ്‌റത്തിനെ മന്നാനീസ് അസോസിയേഷന്‍ സ്‌റ്റേറ്റ്, താലൂക്ക്, ജിസിസി, മലബാര്‍ ഘടകങ്ങള്‍ ആദരിച്ചു.

അതിരാംപട്ടണം കെ ടി മുഹമ്മദ് കുട്ടി ഹസ്‌റത്ത്,ദക്ഷിണ കേരള ജംഇയ്യത്തുല്‍ ഉലമാ പ്രസിഡന്റ് നൂറുല്‍ ഉലമാ കെ പി അബൂബക്കര്‍ ഹസ്‌റത്ത്, ജംഇയ്യത്തുല്‍ ഉലമാ ജനറല്‍ സെക്രട്ടറി തൊടിയൂര്‍ മുഹമ്മദ് കുഞ്ഞ് മൗലവി, ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവി, ജാമിഅ മന്നാനിയ്യ ഉസ്താദുമാര്‍, വിദ്യാഭ്യാസ ബോര്‍ഡ് ചെയര്‍മാന്‍ എ കെ ഉമര്‍ മൗലവി, കെഎംവൈഎഫ് സംസ്ഥാന സെക്രട്ടറി കാരാളി ഇ കെ സുലൈമാന്‍ ദാരിമി, വൈ എം ഹനീഫ് മൗലവി, വര്‍ക്കല കഹാര്‍ എക്‌സ് എംഎല്‍എ, മന്നാനീസ് അസോസിയേഷന്‍ സംസ്ഥാന പ്രസിഡന്റ് അഞ്ചല്‍ അബ്ദുറഹ്മാന്‍ മന്നാനി, ജനറല്‍ സെക്രട്ടറി ബാദുഷ മന്നാനി വട്ടപറമ്പ്, ട്രഷറര്‍ ഷാജഹാന്‍ മന്നാനി അമ്പലംകുന്ന്,മന്നാനീസ് വെല്‍ഫെയര്‍ കമ്മിറ്റി ചെയര്‍മാന്‍ വേങ്ങോട് നാസിമുദ്ദീന്‍ മന്നാനി, ഹാഫിസ് ഇര്‍ഷാദ് മന്നാനി ചിറ്റുമൂല തുടങ്ങിയവര്‍ പരിപാടിയില്‍ സംസാരിച്ചു.