തിരുവനന്തപുരം ജില്ലാ കളക്ടര്‍ സ്വയം നിരീക്ഷണത്തില്‍

തിരുവനന്തപുരം: തിരുവനന്തപുരം ജില്ലാ കളക്ടര്‍ ഡോ: നവജ്യോത് ഖോസ സ്വയം നിരീക്ഷണത്തില്‍ പോകുന്നതായി അറിയിച്ചു. എ.ഡി.എം വി.ആര്‍. വിനോദിന് കൊവിഡ് 19 സ്ഥിരീകരിച്ച സാഹചര്യത്തിലാണ് അദ്ദേഹത്തിന്റെ പ്രാഥമിക സമ്പര്‍ക്ക പട്ടികയിലുള്ള കളക്ടര്‍ സ്വയം നിരീക്ഷണത്തില്‍ പ്രവേശിച്ചത്. വീട്ടില്‍ നിരീക്ഷണത്തിലിരുന്ന് ഔദ്യോഗിക ചുമതലകള്‍ നിര്‍വ്വഹിക്കുമെന്നും എല്ലാവരും കൊവിഡ് 19നെതിരെ തികഞ്ഞ ജാഗ്രത പുലര്‍ത്തണമെന്നും കളക്ടര്‍ അറിയിച്ചു.