തിരൂര്‍ സ്വദേശി അല്‍ ഐനില്‍ നിര്യാതനായി

അല്‍ ഐന്‍: തിരൂര്‍ സ്വദേശിയായ യുവാവ് അല്‍ ഐനില്‍ നിര്യാതനായി. തിരൂര്‍ വൈലത്തൂര്‍ ബംഗ്ലാവുംകുന്ന് സ്വദേശി ചേലക്കര ചോപാല കുഞ്ഞിമുഹമ്മദിന്റെ മകന്‍ സുധീര്‍ (ബാബു- (42) ആണ് അല്‍ ഐനില്‍ തവാം ഹോസ്പിറ്റലില്‍ മരണപ്പെട്ടത്. സുധീര്‍ അല്‍ ഐനില്‍ ബിസിനസ് നടത്തിവരികയായിരുന്നു. മറിയക്കുട്ടിയാണ് മാതാവ്. ഭാര്യ: സമീറ. മൂന്ന് പെണ്‍കുട്ടികളുണ്ട്.

നടപടിക്രമങ്ങള്‍ പൂര്‍ത്തിയതായി സമദ് പൂന്താനം അറിയിച്ചു. വ്യാഴാഴ്ച രാത്രി 1.50 ന് അബൂദബിയില്‍ നിന്നുള്ള എയര്‍ ഇന്ത്യ എക്‌സ്പ്രസിന് മൃതദേഹം നാട്ടിലേക്ക് കൊണ്ടുപോവും. വെള്ളിയഴ്ച രാവിലെ 7.30 ന് കോഴിക്കോട് വിമാനത്താവളത്തില്‍ എത്തിച്ചേരും. നടപടിക്രമങ്ങള്‍ക്ക് അല്‍ ഐന്‍ കെഎംസിസി, സുന്നി സെന്റര്‍ പ്രവര്‍ത്തകരാണ് നേതൃത്വം നല്‍കുന്നത്.