അന്താരാഷ്ട്ര ഫുട്‌ബോളില്‍ ഇന്ന് സുനില്‍ ഛേത്രിയുടെ അവസാന മത്സരം

കൊല്‍ക്കത്ത: അന്താരാഷ്ട്ര ഫുട്‌ബോളില്‍ നിന്നും ഇന്ത്യന്‍ ഫുട്‌ബോള്‍ ഇതിഹാസം സുനില്‍ ഛേത്രി ഇന്ന് വിരമിക്കും. ഇന്ന് കൊല്‍ക്കത്ത സാള്‍ട്ട്‌ലേക്ക് സ്റ്റേഡിയത്തില്‍ രാത്രി ഏഴു മണിക്ക് നടക്കുന്ന കുവൈറ്റിനെതിരായ ലോകകപ്പ് യോഗ്യതാ റൗണ്ട് മത്സരത്തോടെയാണ് അന്താരാഷ്ട്ര ഫുട്‌ബോളില്‍ നിന്നും താരം വിടവാങ്ങുന്നത്.

മേയ് 16-നാണ് ഛേത്രി വിരമിക്കല്‍ പ്രഖ്യാപിച്ചത്. 39-കാരനായ ഛേത്രി 2005 മുതല്‍ ഇന്ത്യന്‍ സീനിയര്‍ ടീമില്‍ അംഗമാണ്. 150 മത്സരങ്ങളില്‍ 94 ഗോള്‍ നേടി. ലോക ഫുട്ബാളില്‍ ഏറ്റവും കൂടുതല്‍ അന്താരാഷ്ട്ര ഗോളുകള്‍ നേടുന്നവരില്‍ മൂന്നാം സ്ഥാനമാണ് സുനില്‍ ഛേത്രിക്കുള്ളത് . ലയണല്‍ മെസിയും ക്രിസ്റ്റിയാനോ റൊണാള്‍ഡോയുമാണ് യഥാക്രമം ഒന്നും രണ്ടും സ്ഥാനങ്ങളില്‍.