ലക്ഷദ്വീപിലേക്കുള്ള യാത്രാനുമതി; എംപിമാര്‍ കത്ത് നല്‍കി

കൊച്ചി: ലക്ഷദ്വീപിലേക്ക് യാത്രാനുമതി ലഭിക്കുന്നതിനു വേണ്ടി ലക്ഷദ്വീപ് അഡ്മിനിസ്‌ട്രേറ്റര്‍ക്കും കവരത്തി അഡീഷണല്‍ ഡിസ്ട്രിക്ട് മജിസ്ട്രേറ്റിനും കേരളത്തില്‍ നിന്നുള്ള എംപിമാര്‍ കത്ത് നല്‍കി. ഇടതുപക്ഷ എംപിമാരായ എളമരം കരീം, ബിനോയ് വിശ്വം, തോമസ് ചാഴിക്കാടന്‍, എം. വി. ശ്രേയാംസ് കുമാര്‍, ഡോ. വി. ശിവദാസന്‍, കെ. സോമപ്രസാദ്, എ. എം. ആരിഫ്, ജോണ്‍ ബ്രിട്ടാസ് എന്നിവരാണ് കത്ത് നല്‍കിയത്.

അനുമതി നല്‍കിയില്ലെങ്കില്‍ നിയമ നടപടിയിലേക്കു നീങ്ങുമെന്ന് എളമരം കരീം പറഞ്ഞു. ഇടത് എംപിമാര്‍ക്ക് അനുമതി നല്‍കില്ലെന്ന് നേരത്തെ ലക്ഷദ്വീപ് ഭരണകൂടം അറിയിച്ചിരുന്നു.