ഗസയിലെ വെടിനിർത്തൽ പ്രമേയം തടഞ്ഞ് യുഎസ്

ന്യൂയോർക്ക്: ഗസ മുനമ്പിൽ ഉപാധികളില്ലാതെ വെടിനിർത്തൽ പ്രഖ്യാപിക്കണമെന്ന ഐക്യരാഷ്ട്ര സഭാ സുരക്ഷാ കൗൺസിൽ പ്രമേയം യുഎസ് തടഞ്ഞു. കൗൺസിലിലെ മറ്റ് 14 അംഗങ്ങൾ പിന്താങ്ങിയ പ്രമേയത്തെയാണ് യുഎസ് വീറ്റോ അധികാരം ഉപയോഗിച്ച് തടഞ്ഞത്.

കൗൺസിലിലെ തിരഞ്ഞെടുക്കപ്പെട്ട പത്ത് രാജ്യങ്ങളായ അൾജീരിയ, ഈക്വഡോർ, ഗയാന, മാൾട്ട, മൊസാംബിക്വ്, സൗത്ത് കൊറിയ, സിയറ ലിയോൺ, സ്ലൊവേനിയ , സ്വിറ്റ്സർലാൻഡ് എന്നീ രാജ്യങ്ങൾ ചേർന്നാണ് പ്രമേയം അവതരിപ്പിച്ചത്. പക്ഷെ,യുഎസ് വീറ്റോ അധികാരം ഉപയോഗിച്ചതോടെ പ്രമേയം അസാധുവായി.

ഇത് തുടർച്ചയായ നാലാം തവണയാണ് ഗസ യിലെ അധിനിവേശം ഇസ്രായേൽ അവസാനിപ്പിക്കണമെന്ന പ്രമേയത്തെ യുഎസ് തടയുന്നത്.