വെള്ളാങ്കല്ലൂര്‍ ഗ്രാമപഞ്ചായത്ത് മുന്‍കാല മെംബര്‍മാരെ ആദരിച്ചു

മാള; 1995 ഒക്ടോബര്‍ രണ്ടിന് നടന്ന തദ്ദേശ സ്ഥാപനങ്ങളുടെ അധികാര കൈമാറ്റത്തെത്തുടര്‍ന്ന് 1996 ല്‍ നടപ്പിലാക്കിയ ജനകീയാസൂത്രണ പ്രസ്ഥാനത്തിന്റെ രജതജൂബിലി ആഘോഷത്തിന്റെ ഭാഗമായി വെള്ളാങ്കല്ലൂര്‍ ഗ്രാമപഞ്ചായത്തിലെ ജനകീയാസൂത്രണ പ്രവര്‍ത്തനകാലത്തെ മുന്‍ മെമ്പര്‍മാരെ ആദരിച്ചു. ജില്ലാ പഞ്ചായത്ത് പ്രസിഡന്റ് പി കെ ഡേവീസ്മാസ്റ്റര്‍ ആദരവ് ചടങ്ങ് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എം എം മുകേഷ് അധ്യക്ഷത വഹിച്ചു. മുന്‍ ഗ്രാമപഞ്ചായത്ത് ആക്ടിംഗ് പ്രസിഡന്റ് പി കെ എം അഷ്‌റഫിന് ഉപഹാരം നല്‍കി.

ഗ്രാമബ്ലോക്ക് പഞ്ചായത്ത് പ്രതിനിധികളായ പ്രസന്ന അനില്‍കുമാര്‍, ഉണ്ണികൃഷ്ണന്‍ കുറ്റിപ്പറമ്പില്‍, ടി കെ ഷറഫുദ്ദീന്‍, ജിയോ ഡേവീസ്, കെ ബി. ബിനോയ്, രഞ്ജിനി ടീച്ചര്‍, ഷംസു വെളുത്തേരി, സിമി റഷീദ് തുടങ്ങിയവര്‍ സംസാരിച്ചു. മുന്‍ അംഗങ്ങളായ പി കെ എം അഷ്‌റഫ്, ടി ബിഅബ്ദു, എം കെ മോഹനന്‍, കെ എ ഷംസുദ്ദീന്‍, എം വിരാജ്കുമാര്‍, എടപ്പുള്ളി അബ്ദുള്‍കാദര്‍, വിമല ഷണ്‍മുഖന്‍ ആദരവിന് മറുപടിയും മുന്‍കാല അനുഭവങ്ങള്‍ പങ്കുവെക്കലും നടത്തി.

വൈസ് പ്രസിഡന്റ് സുജനബാബു സ്വാഗതവും സെക്രട്ടറി കെ ബി സജീവ് കുമാര്‍ നന്ദിയും പറഞ്ഞു.