എസ്ഡിപിഐ മുന്‍ ജില്ലാ വൈസ് പ്രസിഡന്റ് വേലുശ്ശേരി അബ്ദുല്‍ സലാം അനുസ്മരണം നടന്നു

തിരുവനന്തപുരം: എസ്ഡിപിഐ മുന്‍ ജില്ലാ വൈസ് പ്രസിഡന്റ് വേലുശ്ശേരി അബ്ദുല്‍ സലാമിന്റെ പ്രഥമ ചരമവാര്‍ഷിക അനുസ്മരണം നടന്നു. തിരുവനന്തപുരം എംഇഎസ് ഹാളില്‍ നടന്ന അനുസ്മരണ പരിപാടി എസ്ഡിപി ഐ സംസ്ഥാന ജനറല്‍ സെക്രട്ടറി അജ്മല്‍ ഇസ്മാഈല്‍ ഉദ്ഘാടനം ചെയ്തു. പാര്‍ട്ടി നയനിലപാടുകളില്‍ ഊന്നി നിന്ന് മാതൃകാപരമായ പ്രവര്‍ത്തനം കാഴ്ചവച്ച പൊതുപ്രവര്‍ത്തകനായിരുന്നു വേലുശ്ശേരി അബ്ദുസ്സലാം സാഹിബെന്ന് അദ്ദേഹം അനുസ്മരിച്ചു. നഗരത്തിലെ വ്യാപാരികളുടെ ഇടയിലും പൊതുപ്രവര്‍ത്തകരുടെ ഇടയിലും ഒരു പോലെ സ്വീകാര്യനായിരുന്നു അദ്ദേഹമെന്നും അജ്മല്‍ ഇസ്മാഈല്‍ പറഞ്ഞു.

എസ്ഡിപിഐ സംസ്ഥാന സമിതിയംഗം അഷ്‌റഫ് പ്രാവച്ചമ്പലം, പാര്‍ട്ടി ജില്ലാ പ്രസിഡന്റ് സിയാദ് കണ്ടല, ജില്ലാ ജനറല്‍ സെക്രട്ടറി ഷബീര്‍ ആസാദ്, ജില്ലാ വൈസ് പ്രസിഡന്റ് ജലീല്‍ കരമന, ജില്ലാ സെക്രട്ടറി സബീന ലുഖ്മാന്‍, ജില്ലാ സെക്രട്ടേറിയറ്റംഗം എ ഇബ്രാഹിംകുട്ടി, ഖജാന്‍ജി ഷംസുദ്ദീന്‍ മണക്കാട്, വിമെന്‍ ഇന്ത്യ മൂവ്‌മെന്റെ ജില്ലാ പ്രസിഡന്റ് സുമയ്യ റഹീം എന്നിവര്‍ സംബന്ധിച്ചു.