മാള യഹൂദ സിനഗോഗിനോട് ചേര്‍ന്ന വ്യാപാര സ്ഥാപനങ്ങള്‍ പൊളിക്കരുതെന്ന് വ്യാപാരി വ്യവസായി സമിതി

മാള: മുസിരിസ് പൈതൃക പദ്ധതിയില്‍ ഉള്‍പ്പെടുത്തി മാള യഹൂദ സിനഗോഗിനോട് ചേര്‍ന്ന എട്ട് വ്യാപാര സ്ഥാപനങ്ങള്‍ പൊളിച്ചു മാറ്റുവാനുള്ള നടപടികള്‍ക്കെതിരെ കേരള വ്യാപാരി വ്യവസായി ഏകോപന സമിതി മാള യൂണിറ്റ് ശക്തമായ പ്രതിഷേധം രേഖപ്പെടുത്തി. കൊവിഡ് വ്യാപനം രൂക്ഷമായ ഈ അവസ്ഥയില്‍ ഇത്തരം നടപടികള്‍ കോടതികള്‍ നിരുത്സാഹപ്പെടുത്തുകയും ഇതിനെതിരെ വ്യാപാരികള്‍ കോടതിയില്‍ സമര്‍പ്പിച്ച കേസ് നിലനില്‍ക്കുകയും ചെയ്യുമ്പോള്‍ അധികാരികള്‍ ഇത്തരം നടപടികളില്‍ നിന്നും പിന്‍മാറണമെന്ന് യോഗം ആവശ്യപ്പെട്ടു.

പി ടി പാപ്പച്ചന്‍, സി പി ഉദയന്‍, ആരിഫ് കോറോത്ത്, രാജു ജോസ്, സി ഡി ബാബു, സിനി ജോഷി തുടങ്ങിയവര്‍ പങ്കെടുത്തു.