ചടയമംഗലത്ത് ആറു വയസ്സുകാരിക്ക് പീഡനം; 77കാരന്‍ അറസ്റ്റില്‍

കൊല്ലം: കൊല്ലം ചടയമംഗലത്ത് 6 വയസ്സുകാരിക്ക് ക്രൂര പീഡനം. ചടയമംഗലം നിലമേല്‍ സ്വദേശിനിയായ ആറു വയസ്സുള്ള കുട്ടിയാണ് പീഡനത്തിനിരയായത്. സംഭവത്തില്‍ കൈതോട് സ്വദേശി വെമ്പായം എന്നുവിളിക്കുന്ന 77 വയസ്സുകാരന്‍ ഷംസുദ്ദീനെ ചടയമംഗലം പോലിസ് അറസ്റ്റ് ചെയ്തു. കഴിഞ്ഞ ശനിയാഴ്ചയാണ് വീടിന് സമീപം കളിച്ചുകൊണ്ടിരുന്ന ആറുവയസുകാരി പീഡനത്തിനിരയായത്. മാതാപിതാക്കളുടെ പരാതിയുടെ അടിസ്ഥാനത്തില്‍ പ്രതിക്കെതിരെ പോക്‌സോ അടക്കമുള്ള വകുപ്പുകള്‍ ചുമത്തിയാണ് കേസെടുത്തത്.