സോഷ്യല്‍ മീഡിയ ഉപയോഗം അമിതമായി; യുവാവ് ഭാര്യയെ കൊന്നു

ബംഗളൂരു: ഭാര്യ അമിതമായി ഫേസ്ബുക്ക് ഉപയോഗിക്കുന്നതില്‍ കുപിതനായ യുവാവ് ഭാര്യയെ കൊലപ്പെടുത്തി. തുമകൂരു സ്വദേശി സുഷമയെയാണ് ഭര്‍ത്താവ് രാജു, വിനോദ സഞ്ചാരത്തിനെന്നു ധരിപ്പിച്ചു വീട്ടില്‍ നിന്നും കൊണ്ടുപോയി ആളില്ലാത്ത സ്ഥലത്തു വച്ചു തലക്കടിച്ചു കൊലപ്പെടുത്തിയത്. ഇവരുടെ മൂന്നുമാസം പ്രായമുള്ള മകനെയും രാജു കൊലപ്പെടുത്തി. കൊലക്കു ശേഷം മൃതദേഹങ്ങള്‍ പെട്രോളൊഴിച്ചു കത്തിക്കുകയായിരുന്നു. ഒന്നര വര്‍ഷം മുമ്പ് ഫേസ്ബുക്കിലൂടെ പരിചയപ്പെട്ടു വിവാഹതിരായ ഇരുവരും മദനായകനഹള്ളിയിലാണ് താമസിച്ചിരുന്നത്. അമിതമായി ഫേസ്ബുക്കില്‍ സമയം ചിലവഴിച്ചിരുന്ന സുഷമക്കു മറ്റു യുവാക്കളുമായി ബന്ധമുണ്ടെന്നു സംശയിച്ചാണ് കൊല നടത്തിയതെന്നു പോലിസ് പറഞ്ഞു.