സ്ത്രീകള്‍ക്കും കുട്ടികള്‍ക്കും എതിരേ പീഢനം; വാളയാറിലെ രണ്ടാമത്തെ പെണ്‍കുട്ടിയുടെ കൊലയാളി സംസ്ഥാന സര്‍ക്കാറെന്നും ഉമ്മന്‍ ചാണ്ടി

തിരുവനന്തപുരം: വാളയാറിലെ മരിച്ച ഒന്നാമത്തെ പെണ്‍കുട്ടിയുടെ കുറ്റവാളിയെ പിടികൂടിയിരുന്നുവെങ്കില്‍ രണ്ടാമത്തെ പെണ്‍കുട്ടി മരണപ്പെടില്ലായിരുന്നുവെന്നും അതിന്റെ കൊലയാളി ഇടതു സര്‍ക്കാരാണെന്നും കോണ്‍ഗ്രസ് നേതാവ് ഉമ്മന്‍ ചാണ്ടി. വാളയാറില്‍ ബാലിക മരിക്കാനിടയായ സംഭവത്തിന് ഒരു പരിഗണനയും സംസ്ഥാന സര്‍ക്കാര്‍ നല്‍കിയില്ല. ആദ്യ ബാലികയുടെ പ്രതികളെ പിടികൂടിയിരുന്നുവെങ്കില്‍ രണ്ടാമത്തെ പെണ്‍കുട്ടി മരണപ്പെടില്ലായിരുന്നുവെന്നും അദ്ദേഹം പറഞ്ഞു.

വണ്ടിപ്പെരിയാറില്‍ ബാലികയെ പീഡിപ്പിച്ച് കൊലപ്പെടുത്തിയ കേസിലെ രക്ഷിക്കാന്‍ സര്‍ക്കാര്‍ ശ്രമിക്കുന്നവെന്നാരോപിച്ച് യൂത്ത് കോണ്‍ഗ്രസ് നടത്തിയ സെക്രട്ടേറിയറ്റ് മാര്‍ച്ച് ഉദ്ഘാടനം ചെയ്യുകായായിരുന്നു ഉമ്മന്‍ ചാണ്ടി.

ഇന്ന് കേരളത്തില്‍ കുഞ്ഞുങ്ങളുടെ പീഢനവും കൊലപാതകവുമാണ് നടക്കുന്നത്. സ്ത്രീകള്‍ക്കെതിരായ അതിക്രമങ്ങള്‍ ദിനേന വര്‍ധിക്കുകയാണെന്നും അദ്ദേഹം പറഞ്ഞു.