എലിപ്പനി ലക്ഷണങ്ങളോടെ വയനാട്ടില്‍ ഒരു മരണം

കല്‍പറ്റ: കല്ലൂര്‍ വാകേരി കുറുമ കോളനിയിലെ രവി (40) എലിപ്പനി ലക്ഷണങ്ങളോടെ മരണപ്പെട്ടു. ജൂലൈ 31ന് പനി തുടങ്ങുകയും ആഗസ്ത് 3 ന് ബത്തേരിയിലെ സ്വകാര്യ ആശുപത്രിയില്‍ ചികിൽസ തേടുകയും ചെയ്തു. രോഗം മൂര്‍ച്ഛിച്ചതിനെ തുടര്‍ന്ന് അന്നുതന്നെ മേപ്പാടി സ്വകാര്യ മെഡിക്കല്‍ കോളജിലേക്ക് മാറ്റി. രോഗം കിഡ്‌നിയെ ബാധിച്ചതിനാല്‍ ഡയാലിസിസ് ചെയ്തിരുന്നു. ജീവന്‍ രക്ഷിക്കാനുള്ള ആശുപത്രി അധികൃതരുടെ ശ്രമം വിഫലമാവുകയും ഇന്ന് രാവിലെ മരണപ്പെടുകയും ചെയ്തു.