നാല്‍പതുകാരിയെ മാസങ്ങളോളം പീഡിപ്പിച്ച കേസില്‍ ആറു പേർ അറസ്റ്റിൽ

കല്‍പറ്റ: റിസോർട്ടിലും വാടക ക്വാട്ടേഴ്സിലും മറ്റുമായി 40കാരിയെ മാസങ്ങളോളം പീഡിപ്പിച്ചു എന്ന പരാതിയിൽ ആറു പേർ അറസ്റ്റിൽ. തിരുനെല്ലി പോലിസ് സ്റ്റേഷൻ പരിധിയിലാണ് സംഭവം. കേസിൽ കൂടുതൽ പ്രതികൾ ഉള്ളതായി പോലിസ് അറിയിച്ചു.

2019 ഫെബ്രുവരി, മാർച്ച്, ജൂലൈ, നവംബർ മാസങ്ങളിൽ തൃശ്ശ്ലേരി മജിസേട്രറ്റ് കവലയിലെ റിസോർട്ടിൽ വെച്ചും കാട്ടികുളത്തെ സ്വകാര്യ ക്വാട്ടേഴ്സിൽ വെച്ചും പ്രതികള്‍ പീഡിപ്പിച്ചതായാണു മൊഴി. കാട്ടികുളത്തെ ഓട്ടോ ഡ്രൈവർ ആയ നൗഫലും (25) മറ്റ് അഞ്ച് പേരും ചേർന്ന് പല ദിവസങ്ങളിലായി തന്നെ ബലാൽസംഗം ചെയ്തുവെന്നാണ് പരാതി. തിരുനെല്ലി പോലീസാണ് 6 പേരെയും അറസ്റ്റ് ചെയ്തത്.

ഓട്ടോ ഡ്രൈവർ എടയൂർകുന്ന് മഞ്ഞക്കര നൗഫലില്‍,എടവക പീച്ചംങ്കോട് പറമ്പത്ത് ജാസിർ (30), പുൽപ്പള്ളി ഭുദാനം ഷെഡ് ഏറത്ത് ജിജോ (38), പുൽപ്പള്ളി പാക്കം കണി കുടിയിൽ രാഹുൽ (28), മാനന്തവാടി കോട്ടകുന്ന് കീപ്പറത്ത് അമ്മദ് (60), തോൽപ്പെട്ടി നരിക്കൽ തെളിസ്സേരി സുബ്രമണ്യൻ (38), എന്നിവരെയാണ് തിരുനെല്ലി പോലിസ് ഇൻസ്പെക്ടർ ടി വിജയകുമാറും സംഘവും അറസ്റ്റ് ചെയ്തത്. കഴിഞ്ഞ ദിവസമാണ് യുവതി ഇതു സംബന്ധിച്ച് പരാതി നൽകിയത്.