സുരക്ഷാ സേനയുടെ പെല്ലറ്റാക്രമണത്തില്‍ മാധ്യമ ഫോട്ടോഗ്രാഫര്‍മാര്‍ക്കു പരിക്ക്

ഷോപിയാന്‍: ജമ്മുകശ്മീരിലെ ഷോപിയാനില്‍ സുരക്ഷാ സേന നടത്തിയ പെല്ലറ്റാക്രമണത്തില്‍ നാലു മാധ്യമ ഫോട്ടോഗ്രാഫര്‍മാര്‍ക്കു പരിക്ക്. സായുധരുമായുള്ള ഏറ്റുമുട്ടലിന്റെ പേരില്‍ മേഖലയില്‍ സുരക്ഷാ സേന അതിക്രമങ്ങള്‍ നടത്തുന്നെന്നാരോപിച്ചു നാട്ടുകാര്‍ പ്രതിഷേധവുമായി രംഗത്തെത്തിയിരുന്നു. തുടര്‍ന്നു പ്രതിഷേധക്കാര്‍ക്കു നേരെ സേന പെല്ലറ്റാക്രമണം നടത്തി. ഈ ആക്രമണത്തിലാണ് മാധ്യമ ഫോട്ടോഗ്രാഫര്‍മാരായ വസീം അന്ദാബി( ഹിന്ദുസ്ഥാന്‍ ടൈംസ്), നിസാറുല്‍ ഹഖ്( റൈസിങ് കശ്മീര്‍), ജുനൈദ് ഗുല്‍സാര്‍( കശ്മീര്‍ എസന്‍സ്), മിര്‍ ബുര്‍ഹാന്‍( എന്‍എന്‍) എന്നിവര്‍ക്കു പരിക്കേറ്റത്.