രാജ്യത്തെ എല്ലാ ഭരണഘടനാ സ്ഥാപനങ്ങളെയും നിയന്ത്രിക്കാനാണു ആര്‍എസ്എസ് ശ്രമമെന്നു രാഹുല്‍

ന്യൂഡല്‍ഹി: രാജ്യത്തെ എല്ലാ ഭരണഘടനാ സ്ഥാപനങ്ങളെയും നിയന്ത്രിക്കാനാണു ആര്‍എസ്എസ് ശ്രമമെന്നും ഇതിനായി ഭരണഘടനാ സ്ഥാപനങ്ങള്‍ ആക്രമിക്കപ്പെടുന്നുവെന്നും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ഒഡീഷയിലെ ബുവനേശ്വറിലെ പരിപാടിയില്‍ സംസാരിക്കുകയായിരുന്നു രാഹുല്‍.

രാജ്യത്ത് ആര്‍എസ്എസ് എന്ന ഒരൊറ്റ സ്ഥാപനം മതിയെന്നാണവര്‍ കരുതുന്നത്. ഇതിനായി എല്ലാ ഭരണഘടനാ സ്ഥാപനങ്ങളിലേക്കും ആര്‍എസ്എസ് അതിക്രമിച്ചു കയറുകയാണ്. ജുഡീഷ്യറിയിലും വിദ്യാഭ്യാസ മേഖലയിലും ഇതിന്റെ പ്രതിഫലനങ്ങള്‍ കാണുന്നു. എന്നാല്‍ ഒരൊറ്റ ജനത, ഒരൊറ്റ ആശയം എന്നത്് ഇന്ത്യയില്‍ വിജയിക്കില്ലെന്നും രാഹുല്‍ പറഞ്ഞു.