തൃണമൂല് നേതാവ് ഷാജഹാന് ഷെയ്ഖ് പോലിസ് പിടിയില്
![തൃണമൂല് നേതാവ് ഷാജഹാന് ഷെയ്ഖ് പോലിസ് പിടിയില് തൃണമൂല് നേതാവ് ഷാജഹാന് ഷെയ്ഖ് പോലിസ് പിടിയില്](https://www.thejasnews.com/h-upload/2024/02/29/217847-trinamool-leader-sheikh-shahjahan-213148442-16x90-ezgifcom-resize.webp)
കൊല്ക്കത്ത: തൃണമൂല് കോണ്ഗ്രസ് നേതാവ് ഷെയ്ഖ് ഷാജഹാന് അറസ്റ്റില്. 55 ദിവസം ഒളിവില് കഴിഞ്ഞ ശേഷമാണ് ഷാജഹാനെ പോലിസ് അറസ്റ്റ് ചെയ്തത്. റേഷന് അഴിമതി കേസില് ഷാജഹാന്റെ വസതിയില് പരിശോധനയ്ക്ക് എത്തിയ ഇഡി സംഘത്തെ നാട്ടുകാര് ആക്രമിച്ചതിന് പിന്നാലെയാണ് ഇദ്ദേഹം ഒളിവില് പോയത്. നോര്ത്ത് 24 പര്ഗാനാസിലെ മിനാഖാനില് നിന്നാണ് ഷാജഹാന് ഷെയ്ഖിനെ ബംഗാള് പോലിസ് അറസ്റ്റു ചെയ്തത്. ഇയാളെ ഇന്ന് ഉച്ചയ്ക്ക് ബാസിര്ഘട്ട് കോടതിയില് ഹാജരാക്കുമെന്ന് പോലിസ് അറിയിച്ചു.
ഷാജഹാനും അനുയായികളും തങ്ങളുടെ ഭൂമി തട്ടിയെടുക്കുന്നുവെന്നും സ്ത്രീകളെ ലൈംഗികമായി ചൂഷണം ചെയ്യുന്നു എന്നുമാരോപിച്ച് സന്ദേശ് ഖലിയില് ഗ്രാമീണര് ഏതാനും ദിവസങ്ങളായി കടുത്ത പ്രതിഷേധത്തിലാണ്. ജോലി ചെയ്യിച്ച ശേഷം കൂലി നല്കാതെ മര്ദ്ദിക്കുന്നു, ലൈംഗികമായി ഉപദ്രവിക്കുന്നു തുടങ്ങിയ ആരോപണങ്ങളും സ്ത്രീകള് ഉന്നയിക്കുന്നു.
ഇഡി ഉദ്യോഗസ്ഥരെ ആക്രമിച്ച കേസിലും ഇയാള് പ്രതിയാണ്. കഴിഞ്ഞ ഒരുമാസത്തോളമായി ബംഗാള് പോലിസിന്റെയും കേന്ദ്ര ഏജന്സികളുടേയും കണ്ണുവെട്ടിച്ച് ഷാജഹാന് ഷെയ്ഖ് ഒളിവിലായിരുന്നു. ഷാജഹാന് ഷെയ്ഖിനെ അറസ്റ്റ് ചെയ്യാത്തതില് കൊല്ക്കത്ത ഹൈക്കോടതി കഴിഞ്ഞ ദിവസം പശ്ചിമ ബംഗാള് സര്ക്കാരിനെ രൂക്ഷമായി വിമര്ശിച്ചിരുന്നു.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT