കാറിടിച്ച് സ്‌കൂട്ടര്‍ യാത്രക്കാരന്‍ മരിച്ചു

തിരുവനന്തപുരം: കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരന്‍ മരിച്ചു. കൂടെ യാത്ര ചെയ്തിരുന്ന ഭാര്യയെ കാലിനു പരിക്കേറ്റ നിലയില്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. വട്ടപ്പാറ പച്ചക്കാട് പുത്തന്‍വീട്ടില്‍ വിജയരാജ് (45) ആണ് മരിച്ചത്. ഇയാള്‍ക്കൊപ്പം യാത്ര ചെയ്തിരുന്ന ഭാര്യ ഷീബ കാലിനു പരിക്കേറ്റ് മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുകയാണ്. തിങ്കളാഴ്ച വൈകിട്ട് നാലോടെ വട്ടപ്പാറയിലാണ് അപകടം. മൃതദേഹം മെഡിക്കല്‍ കോളേജ് ആശുപത്രി മോര്‍ച്ചറിയില്‍.