കേന്ദ്രമന്ത്രി നിധിൻ ഗഡ്കരി ഇന്ന് നിയമസഭയിൽ

തിരുവനന്തപുരം: കേന്ദ്ര ഗതാഗത മന്ത്രി നിധിൻ ഗഡ്കരി തലസ്ഥാനത്ത്. ഇന്ന് നിയമസഭ സന്ദർശിക്കുന്ന കേന്ദ്രമന്ത്രി 12 മണി മുതൽ 1 മണിവരെ അവിടെ തുടരും. സ്പീക്കറുടെ പ്രത്യേക ക്ഷണപ്രകാരമാണ് ഗഡ്കരിയുടെ സന്ദർശനം.

12 മണിക്ക് സ്‌പീക്കറുമായും 12.30 ന് മുഖ്യമന്ത്രിയുമായും അദ്ദേഹം കൂടിക്കാഴ്ചകൾ നടത്തും. അതിനുശേഷം നിയമസഭയുടെ സന്ദർശക ഗാലറിയിലെത്തുന്ന നിധിൻ ഗഡ്കരി കുറച്ചു സമയം സഭാനടപടികൾ വീക്ഷിക്കും.

കേരളത്തിലെ ദേശീയപാതാ വികസനം സംബന്ധിച്ചും ചർച്ചകൾ നടന്നേക്കും. സ്വകാര്യ സന്ദർശനത്തിനായി കഴിഞ്ഞ വ്യാഴാഴ്ചയാണ് ഗഡ്കരി തിരുവനന്തപുരത്തെത്തിയത്. സന്ദർശനം പൂർത്തിയാക്കി ഒരു മണിക്ക് ഗഡ്ഗരി മടങ്ങും.