കാറപകടത്തില്‍ പരിക്കേറ്റ് ചികില്‍സയിലിരുന്ന യുവാവ് മരിച്ചു

മാള(തൃശൂര്‍): കാറപകടത്തില്‍ പരിക്കേറ്റ് ചികിത്സയിലിരുന്ന യുവാവ് മരിച്ചു. മാള പള്ളിപ്പുറം വലിയവീട്ടില്‍ അബുവിന്റെ മകന്‍ മുഹമ്മദ് ആദില്‍ (19) ആണ് മരിച്ചത്. ഈ മാസം ഏഴിന് നെടുമ്പാശേരി വിമാനത്താവളത്തിലേക്ക് പോകും വഴിയായിരുന്നു അപകടം. സുഹൃത്താണ് കാറോടിച്ചിരുന്നത്.

യാത്രക്കിടെ കാര്‍ ഡിവൈഡറിലിടിച്ച് മറിയുകയായിരുന്നു. മുഹമ്മദ് ആദിലിന്റെ ഇരുകാലുകള്‍ക്കും ഗുരുതര പരിക്കേറ്റിരുന്നു. എറണാകുളത്തെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികില്‍സയിലായിരുന്നു. വ്യാഴാഴ്ച്ച ഉച്ചയോടെയാണ് മരണം സംഭവിച്ചത്. ഖബറടക്കം വെള്ളിയാഴ്ച്ച ഉച്ചയോടെ മാള ജുമാമസ്ജിജിദ് ഖബര്‍സ്ഥാനില്‍. മാതാവ് നജിത. സഹോദരന്‍ അല്‍ സാബിത്.