സംസ്ഥാനത്ത് പുതുതായി 10 ഹോട്ട് സ്പോട്ടുകള് കൂടി; ഇന്ന് ആര്ക്കും കൊവിഡ് സ്ഥിരീകരിച്ചില്ല
കാസര്ഗോഡ് ജില്ലയിലെ ഉദുമ, മലപ്പുറം ജില്ലയിലെ മാറഞ്ചേരി, തിരുവനന്തപുരം ജില്ലയിലെ കുളത്തൂര്, പാറശാല, അതിയന്നൂര്, കാരോട്, വെള്ളറട, അമ്പൂരി, ബാലരാമപുരം, കുന്നത്തുകാല് എന്നിവയാണ് പുതിയ ഹോട്ട് സ്പോട്ടുകള്.
![സംസ്ഥാനത്ത് പുതുതായി 10 ഹോട്ട് സ്പോട്ടുകള് കൂടി; ഇന്ന് ആര്ക്കും കൊവിഡ് സ്ഥിരീകരിച്ചില്ല സംസ്ഥാനത്ത് പുതുതായി 10 ഹോട്ട് സ്പോട്ടുകള് കൂടി; ഇന്ന് ആര്ക്കും കൊവിഡ് സ്ഥിരീകരിച്ചില്ല](https://www.thejasnews.com/h-upload/2020/05/01/106511-img-20200501-wa0035.jpg)
തിരുവനന്തപുരം: കേരളത്തിന് ഇന്ന് ആശ്വാസദിനമാണ്. സംസ്ഥാനത്ത് ആര്ക്കും തന്നെ കൊവിഡ്-19 സ്ഥിരീകരിച്ചിട്ടില്ലെന്ന് ആരോഗ്യ മന്ത്രി കെ കെ ശൈലജ അറിയിച്ചു. അതേസമയം 9 പേരാണ് ഇന്ന് രോഗമുക്തി നേടിയത്. കണ്ണൂര്, കാസര്ഗോഡ് ജില്ലയിലെ 4 പേരുടെ വീതവും എറണാകുളം ജില്ലയില് നിന്നുള്ള ഒരാളുടെയും പരിശോധനാഫലമാണ് ഇന്ന് നെഗറ്റീവ് ആയത്. ഇതോടെ 392 പേരാണ് ഇതുവരെ കോവിഡില് നിന്നുംമുക്തി നേടിയത്. 102 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
പുതുതായി 10 ഹോട്ട് സ്പോട്ടുകള് കൂടി ഉള്പ്പെടുത്തിയിട്ടുണ്ട്. കാസര്ഗോഡ് ജില്ലയിലെ ഉദുമ, മലപ്പുറം ജില്ലയിലെ മാറഞ്ചേരി, തിരുവനന്തപുരം ജില്ലയിലെ കുളത്തൂര്, പാറശാല, അതിയന്നൂര്, കാരോട്, വെള്ളറട, അമ്പൂരി, ബാലരാമപുരം, കുന്നത്തുകാല് എന്നിവയാണ് പുതിയ ഹോട്ട് സ്പോട്ടുകള്. ഇതോടെ ഹോട്ട് സ്പോട്ടുകളുടെ എണ്ണം 80 ആയി.
സംസ്ഥാനത്തെ വിവിധ ജില്ലകളിലായി 21,499 പേര് നിരീക്ഷണത്തിലാണ്. ഇവരില് 21,067 പേര് വീടുകളിലും 432 പേര് ആശുപത്രികളിലും നിരീക്ഷണത്തിലാണ്. 106 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 27,150 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 26,225 സാമ്പിളുകളുടെ പരിശോധനാഫലം നെഗറ്റിവ് ആണ്.
![](https://www.thejasnews.com/h-upload/2020/05/01/106510-img-20200501-wa0031.jpg)
സെന്റിനല് സര്വയലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് തുടങ്ങിയ മുന്ഗണനാ ഗ്രൂപ്പില് നിന്ന് 1862 സാമ്പിളുകള് ശേഖരിച്ചതില് ലഭ്യമായ 999 സാമ്പിളുകള് നെഗറ്റീവായി. സമൂഹത്തില് കോവിഡ് പരിശോധന ഊര്ജിതമാക്കുന്നതിന്റെ ഭാഗമായി 3128 സാമ്പിളുകള് പരിശോധനയ്ക്കയച്ചു. 3089 എണ്ണം നെഗറ്റീവ് ആണ്. ഇതില് പോസിറ്റീവായ 4 ഫലങ്ങള് നേരത്തെ പ്രഖ്യാപിച്ചിരുന്നു. പുനപരിശോധനയ്ക്കായി നിര്ദേശിച്ച 14 സാമ്പിളുകള് ലാബുകളില് പരിശോധിച്ച് വരികയാണ്. ഇതുകൂടാതെ ലാബുകള് തിരസ്കരിച്ച 21 സാമ്പിളുകളും ലാബുകള് പുനപരിശോധനയ്ക്കായി നിര്ദേശിച്ചിട്ടുണ്ട്.
RELATED STORIES
കേരളാ ക്രിക്കറ്റ് ലീഗ്; തൃശൂരിനെ വീഴ്ത്തി കാലിക്കറ്റ് ; ഏരീസ്...
7 Sep 2024 6:11 PM GMTഅര്ധരാത്രി ബിസിസിഐ പ്രഖ്യാപനം; ദുലീപ് ട്രോഫി ടീമില് ഇടം നേടി സഞ്ജു ...
5 Sep 2024 5:23 AM GMTറഷീദ് അജിനാസിനും സല്മാന് നിസാറിനും അര്ദ്ധശതകം;അടിച്ചുപറത്തി...
4 Sep 2024 11:49 AM GMTകേരളാ ക്രിക്കറ്റ് ലീഗിന് തുടക്കം; ആദ്യ ജയം ആലപ്പി റിപ്പിള്സിന്;...
2 Sep 2024 1:37 PM GMTഐസിസിയുടെ പുതിയ ചെയര്മാനായി ജയ് ഷാ
27 Aug 2024 4:54 PM GMTട്വന്റി-20 ലോകകപ്പിനുള്ള ഇന്ത്യന് വനിതാ ടീമിനെ പ്രഖ്യാപിച്ചു; ആശയും...
27 Aug 2024 1:57 PM GMT