ആലപ്പുഴ ജില്ലയില്‍ ഇന്ന് 660 പേര്‍ക്ക് കൊവിഡ്;ടെസ്റ്റ് പോസിറ്റിവിറ്റി നിരക്ക് 9.64 %

ആലപ്പുഴ: ആലപ്പുഴ ജില്ലയില്‍ ഇന്ന് 660 പേര്‍ക്ക് കൊവിഡ് സ്ഥിരീകരിച്ചു. 9.64 ശതമാനമാണ് ടെസ്റ്റ് പോസിറ്റിവിറ്റി നിരക്ക്.ഇന്ന് 644 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 14 പേരുടെ സമ്പര്‍ക്ക ഉറവിടം വ്യക്തമല്ല. രണ്ട് ആരോഗ്യ പ്രവര്‍ത്തകര്‍ക്ക് കൂടി ഇന്ന് രോഗം സ്ഥിരീകരിച്ചു.

ജില്ലയില്‍ ഇന്ന് 778 പേര്‍ രോഗമുക്തരായി. ആകെ 187605 പേര്‍ രോഗമുക്തരായി. 8241 പേര്‍ ചികിത്സയിലുണ്ട്.243 പേര്‍ കൊവിഡ് ആശുപത്രികളിലും 1435 പേര്‍ സിഎഫ്എല്‍റ്റിസികളിലും ചികിലേ#സയിലുണ്ട്. 5472 പേര്‍ വീടുകളില്‍ ഐസൊലേഷനിലുണ്ട്.

187 പേരെ ആശുപത്രി നിരീക്ഷണത്തില്‍ പ്രവേശിപ്പിച്ചു. 3438 പേര്‍ നിരീക്ഷണത്തില്‍ നിന്ന് ഒഴിവാക്കപ്പെട്ടു. 1199 പേര്‍ നിരീക്ഷണത്തിന് നിര്‍ദേശിക്കപ്പെട്ടു. ആകെ 22070 പേര്‍ നിരീക്ഷണത്തില്‍ കഴിയുന്നു. 6840 സാമ്പിളുകളാണ് ഇന്ന് പരിശോധനയ്ക്ക് അയച്ചത്.