കൊവിഡ്: എറണാകുളത്ത് ഒരു മരണം കൂടി;മരിച്ചത് ആലുവ സ്വദേശി

കൊച്ചി: കൊവിഡ് ബാധിച്ച് ചികില്‍സയിലായിരുന്ന ഒരു രോഗികുടി എറണാകുളത്ത് മരിച്ചു. എറണാകുളം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന ആലുവ എടത്തല എവര്‍ഗ്രീന്‍ നഗര്‍ കാഞ്ഞിരത്തിങ്കല്‍ ബൈഹക്കി (59)യാണ് മരിച്ചത്. കൊവിഡ് ന്യൂമോണിയ ബാധിച്ചു ഗുരുതര നിലയില്‍ കഴിയുകയായിരുന്ന ഇദ്ദേഹം ഇന്ന് വൈകിട്ട് അഞ്ചു മണിയോടെയാണ് മരിച്ചത്.

പ്ലാസ്മ തെറാപ്പി, ടോസിലീസുമാബ് തുടങ്ങിയ ചികില്‍സകള്‍ ഇദ്ദേഹത്തിന് നല്‍കിയിരുന്നതായി നോഡല്‍ ഓഫിസര്‍ ഡോക്ടര്‍ ഫത്തഹുദീന്‍ അറിയിച്ചു.കൊവിഡ് വ്യാപനത്തെ തുടര്‍ന്ന് ആലുവ ക്ലസ്റ്റര്‍ മേഖലയില്‍ കര്‍ഫ്യുവും കര്‍ശന ലോക്ക് ഡൗണും പ്രഖ്യാപിച്ചിരിക്കുകയാണ്.