നെടുമ്പാശേരി വിമാനത്താവളം വഴി കടത്താന് ശ്രമിച്ച ഒരു കോടിയുടെ സ്വര്ണ്ണം പിടിച്ചു
കസ്റ്റംസ് എയര് ഇന്റലിജന്സ് വിഭാഗവും കസ്റ്റംസ് പ്രിവന്റീവ് വിഭാഗവും നടത്തിയ വ്യത്യസ്ത പരിശോധനകളിലാണ് സ്വര്ണക്കടത്ത് പിടികൂടിയത്. വിദേശത്ത് നിന്നെത്തിയ മൂന്ന് യാത്രക്കാരാണ് സ്വര്ണവുമായി അന്വേഷണ ഉദ്യോഗസ്ഥരുടെ പിടിയിലായത്
![നെടുമ്പാശേരി വിമാനത്താവളം വഴി കടത്താന് ശ്രമിച്ച ഒരു കോടിയുടെ സ്വര്ണ്ണം പിടിച്ചു നെടുമ്പാശേരി വിമാനത്താവളം വഴി കടത്താന് ശ്രമിച്ച ഒരു കോടിയുടെ സ്വര്ണ്ണം പിടിച്ചു](https://www.thejasnews.com/h-upload/2021/03/10/141224-nedumbassery.jpg)
കൊച്ചി: നെടുമ്പാശ്ശേരി രാജ്യാന്തര വിമാനത്താവളം വഴി അനധികൃതമായി കടത്താന് ശ്രമിച്ച ഒരു കോടി രൂപയുടെ സ്വര്ണം പിടികൂടി. കസ്റ്റംസ് എയര് ഇന്റലിജന്സ് വിഭാഗവും കസ്റ്റംസ് പ്രിവന്റീവ് വിഭാഗവും നടത്തിയ വ്യത്യസ്ത പരിശോധനകളിലാണ് സ്വര്ണക്കടത്ത് പിടികൂടിയത്. വിദേശത്ത് നിന്നെത്തിയ മൂന്ന് യാത്രക്കാരാണ് സ്വര്ണവുമായി അന്വേഷണ ഉദ്യോഗസ്ഥരുടെ പിടിയിലായത്. ഒന്നര കിലോഗ്രാം സ്വര്ണം കസ്റ്റംസ് പ്രിവന്റീവ് വിഭാഗവും അര കിലോഗ്രാം സ്വര്ണം എയര് ഇന്റെലിജന്സ് വിഭാഗവുമാണ് പിടികൂടിയത്.
ദുബൈയില് നിന്നുമെത്തിയ കുഞ്ഞിപ്പ, ഷാര്ജയില് നിന്നുമെത്തിയ ഷിഹാബുദീന് എന്നിവരാണ് പ്രിവന്റീവ് വിഭാഗത്തിന്റെ പിടിയിലായത്. കുഞ്ഞിപ്പയില് നിന്നും ഒരു കിലോഗ്രാം സ്വര്ണവും ഷിഹാബുദ്ദീനില് നിന്നും അര കിലോഗ്രാം സ്വര്ണവുമാണ് പിടിച്ചെടുത്തത്. കുഞ്ഞിപ്പ സ്വര്ണ മിശ്രിതമായും ഷിഹാബുദ്ദീന് ആഭരണങ്ങളായുമാണ് സ്വര്ണം കടത്താന് ശ്രമിച്ചത്. കസ്റ്റംസ് എയര് ഇന്റലിജന്സ് വിഭാഗത്തിന്റെ പിടിയിലായ കുവൈത്തില് നിന്നെത്തിയ ഷറഫുദ്ദീനില് നിന്നും അര കിലോഗ്രാം സ്വര്ണമാണ് പിടികൂടിയത്. സിലിണ്ടര് ആകൃതിയിലുള്ള രണ്ട് സ്വര്ണക്കട്ടികളാണ് ഇയാളില് നിന്നും പിടിച്ചെടുത്തത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTസിവില് സര്വീസ് പരീക്ഷാ തട്ടിപ്പ്; പൂജ ഖേദ്കറെ സര്വീസില് നിന്ന്...
7 Sep 2024 2:39 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT